ବାରିପଦା: ସ୍ଥାନୀୟ ସହିଦ ଭବନ ପରିସରରେ ଏମ ପି ସି ଆଲୁମିନି ଏସୋସିଏସନ ଦ୍ୱାରା ପ୍ରଯୋଜିତ ଓ ବାରିପଦା କଳାକାର ପରିବାରର ସହଯୋଗରେ ୩ ଦିନିଆ ନାଟକ ମହୋତ୍ସବର ଦ୍ଵିତୀୟ ସନ୍ଧ୍ୟାରେ ବାସ୍ତବ ପରିବାର ଦ୍ୱାରା ନାଟକ ତ୍ରୀଶଙ୍କୁ ମଞ୍ଚସ୍ଥ ହୋଇଯାଇଛି I ମୁଖ୍ୟ ଅତିଥି ଭାବେ ଏମ ପି ସି ସ୍ୱୟଂଚାଳିତ ମହାବିଦ୍ୟାଳୟର ଅଧ୍ୟକ୍ଷ ଡଃ ପ୍ରମୋଦ ଚନ୍ଦ୍ର ସାହୁ, ସମ୍ମାନିତ ଅତିଥି ଭାବେ ନାଟ୍ୟକାର ସୁଧାଂଶୁ ମୋହନ ଦ୍ବିବେଦୀ ଓ ଅବସରପ୍ରାପ୍ତ ଶିକ୍ଷୟତ୍ରୀ ରଜନୀ ବାରିକ ପ୍ରମୁଖ ଉପସ୍ଥିତ ରହି ନାଟକ ମହୋତ୍ସବର ସଫଳତା କାମନା କରିଥିଲେ I ସୋମନାଥ ସିଂହ ମଞ୍ଚ ପରିଚାଳନା କରିଥିଲେ I ନାଟକଟି ଏତେ ହୃଦୟସ୍ପର୍ଶୀ ହୋଇଥିଲାଯେ ଏହା ଦର୍ଶକଙ୍କୁ ସ୍ତବ୍ଧ କରିଦେଇଥିଲା I ନାଟକର ଅଭିନେତା ମାନେ ହେଲେ ପ୍ରୟାସ ଶତପଥି, ରବୀନ୍ଦ୍ର ଶତପଥି ସୌମ୍ୟଶିଷ ଶତପଥି, ସତ୍ୟଜିତ ସାହୁ, କୁମାର ବିବେକ, ଧର୍ମପଦ ନନ୍ଦୀ, ଅନ୍ବେଷିତା ତ୍ରିପାଠୀ, ରୂପାଲି ଭଞ୍ଜଦେଓ, ନିକିତା ମହାନ୍ତି ଓ ଦୀୟା ସିଂହ I ନାଟ୍ୟକାର ସୁଧାଂଶୁ ମୋହନ ଦ୍ବିବେଦୀଙ୍କ ରଚିତ ନାଟକକୁ ଅନ୍ନଦା ଶଙ୍କର ଦାଶ ନିର୍ଦ୍ଦେଶନା ଦେଇଥିବା ବେଳେ ପ୍ରଚ୍ଛଦପଟ ସଂଗୀତରେ ଶକ୍ତି ପ୍ରସାଦ ମିଶ୍ର, ଆଲୋକ ସଂଯୋଜନା ରେ ଲାଇଟ ଏଣ୍ଡ ସାଉଣ୍ଡ, ବାରିପଦା, ମଞ୍ଚ ପରିଚାଳନାରେ ସତ୍ୟାନନ୍ଦ ଶେଜପଡା, ଭେଶସଜ୍ଜାରେ ଇପ୍ସିତା ଓ ରଶ୍ମିତା ସହଯୋଗ କରିଥିଲେ I ଏହି ଅବସରରେ ଆମେ ବି ମଣିଷ ପରିବାରର ସମସ୍ତ କଳାକାରଙ୍କ ସମେତ ନାଟ୍ୟକାର ଓ ନିର୍ଦ୍ଦେଶକଙ୍କୁ ମାନପତ୍ର ଓ ଉପଢୌକନ ଦେଇ ସମ୍ମାନିତ କରାଯାଇଥିଲା I
