ବାରିପଦା: ୟୂଟ୍ଯୁବର କାମିୟା ଯାନି ପୁରୀ ଶ୍ରୀ ଜଗନ୍ନାଥ ମନ୍ଦିର ପ୍ରବେଶ ଵିଵାଦକୁ ନେଇ ମୟୂରଭଞ୍ଜ ଜିଲ୍ଲାର ଶ୍ରୀ ଜଗନ୍ନାଥ ମନ୍ଦିର ସୁରକ୍ଷା ଅଭିଯାନ ପକ୍ଷରୁ ଏକ ପ୍ରତିବାଦ ଶୋଭାଯାତ୍ରା ସହର ପରିକ୍ରମା ସହ ଉପଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଏକ ବିକ୍ଷୋଭ ଗୁରୁବାର ଦିନ ମିଡ଼ିଆ ସଂଯୋଜକ ଶ୍ରୀ ଜ୍ୟୋତି ରଂଜନ ବାରିକଙ୍କ ନେତୃତ୍ୱରେ ଅନୁଷ୍ଠିତ ହୋଇଯାଇଛି ।
ସନାତନ ଧର୍ମର ସ୍ଵାଭିମାନ ତଥା କୋଟି କୋଟି ହିନ୍ଦୁମାନଙ୍କର ମଉଡମଣି ମହାପ୍ରଭୁ ଶ୍ରୀ ଜଗନ୍ନାଥଙ୍କ ଶ୍ରୀମନ୍ଦିର ଭିତରେ ପ୍ରବେଶ କରାଇବା ସହ ମହାପ୍ରସାଦ ଖୁଆଇବା ତଥା ଜଗତଗୁରୁ ଶଙ୍କରାଚାର୍ଯ୍ୟଙ୍କ ପ୍ରତି ଅପମାନ କରାଇବା ଘଟଣା ନେଇ ତଦନ୍ତ କରିବା ସହ କାର୍ଯ୍ୟାନୁଷ୍ଠାନ ଗ୍ରହଣ କରିବା ଦାବି କରିଥିଲେ ।ଏହି ପ୍ରତିବାଦ କାର୍ଯ୍ୟକ୍ରମରେ ପ୍ରଦ୍ୟୁମ୍ନ ଦିଗାର,ପ୍ରଶାନ୍ତ ବାରିକ,ମୁକନ୍ଦର ଦାସ, ଇନ୍ଦ୍ରଜିତ ମହାନ୍ତ,ନିଗମାନନ୍ଦ ପଟ୍ଟନାୟକ,ମୁନା ମହାନ୍ତ,ଇଂ ରାମଚନ୍ଦ୍ର ହାଁସଦା, ବିବେକାନନ୍ଦ ମହାନ୍ତ,ବିଜୟ ରାଜ ସମେତ ବହୁ ସଦସ୍ୟ ଯୋଗ ଦେଇଥିଲେ ।
