ବାରିପଦା : ସ୍ଥାନୀୟ ବାରିପଦା କଲେଜ ପଡିଆରେ ସିକ୍ରେଟ – ୧୧ ଆନୁକୂଲ୍ୟରେ ଆୟୋଜିତ ମୟୁରଭଞ୍ଜ ଭେଟେରାନ ଟି – ୧୦ କ୍ରିକେଟ ଟୁର୍ଣ୍ଣାମେଣ୍ଟର ଦ୍ଵିତୀୟ ଦିନର ପ୍ରଥମ ମ୍ୟାଚରେ ମହାନ୍ତି ଟାଇଗର୍ସ ମା’ ଅମ୍ବିକା ୱାରିୟାର୍ସକୁ ୭ ଉଇକେଟରେ ପରାସ୍ତ କରିଛି I ପ୍ରଥମେ ବ୍ୟାଟିଂ କରି ମା’ ଅମ୍ବିକା ୱାରିୟାର୍ସ ୧୦ ଓଭରରେ ୪ ଉଇକେଟ ହରାଇ ୬୧ ରନ କରିଥିଲେ I ଦଳ ପକ୍ଷରୁ ରାଜେଶ କୁମାର ଶର୍ମା ସର୍ବାଧିକ ୨୩ ରନ କରିଥିବା ବେଳେ ବିପକ୍ଷ ଦଳର ପ୍ରତାପ ବରାଳ ୨ ଟି ଉଇକେଟ ଅକ୍ତିଆର କରିଥିଲେ I ଉତ୍ତରରେ ମହାନ୍ତି ଟାଇଗର୍ସ ୮.୪ ଓଭରରେ ୩ ଟି ଉଇକେଟ ହରାଇ ବିଜୟ ଲକ୍ଷ୍ୟ ହାସଲ କରିଥିଲେ I ଦଳ ପକ୍ଷରୁ ପ୍ରତାପ ବରାଳ ୩୩ ରନ କରିଥିବା ବେଳେ ବିପକ୍ଷ ଦଳର ପାର୍ଥ ଦେ ୨ ଟି ଉଇକେଟ ଅକ୍ତିଆର କରିଥିଲେ I ଦ୍ଵିତୀୟ ମ୍ୟାଚରେ ଭିଣ୍ଟେଜ ୧୧ ଇଉ ସି ସି, ଖୁଣ୍ଟା କୁ ୭ ଉଇକେଟରେ ପରାସ୍ତ କରିଥିଲା I ପ୍ରଥମେ ବ୍ୟାଟିଂ କରି ଖୁଣ୍ଟା ୧୦ ଓଭରରେ ୫ ଉଇକେଟ ହରାଇ ୬୫ ରନ କରିଥିଲେ I
ଦଳ ପକ୍ଷରୁ ସୀତାକାନ୍ତ ବେହେରା ୨୦ ଓ ଶିଶିର କୁମାର ବେହେରା ୧୭ ରନ କରିଥିଲେ I ଉତ୍ତରରେ ଭିଣ୍ଟେଜ ୮.୩ ଓଭରରେ ୩ ଉଇକେଟ ହରାଇ ବିଜୟ ଲକ୍ଷ୍ୟ ହାସଲ କରିଥିଲେ I ଦଳ ପକ୍ଷରୁ ପୁଙ୍ଗା ଖେରୱାଲ ସୋରେନ ୩୦ ରନ କରିଥିବା ବେଳେ ବିପକ୍ଷ ଦଳର ରତିକାନ୍ତ ନାୟକ ୨ ଟି ଉଇକେଟ ଅକ୍ତିଆର କରିଥିଲେ I ଶେଖ ଲାଇକୁଦ୍ଦିନ ଓ ଅଶୋକ ପାଲ ଖେଳ ପରିଚାଳନା କରିଥିବା ବେଳେ ଆନିଷ ମିଶ୍ର, ସମ୍ବିତ ସାହା ଓ ନାପିସଲ ହୁସେନ ସ୍କୋରିଙ୍ଗରେ ସହାୟତା କରିଥିଲେ I ଦୀପକ ଦାସ ଓ ଗୌତମ ଦାସ ଧାରା ବିବରଣୀ ଦେଇଥିଲେ I ଆସନ୍ତା କାଲିର ପ୍ରଥମ ମ୍ୟାଚ ଏଟାକ ୧୧ ଓ ତୁଳସୀଚୌରା କ୍ରିକେଟ କ୍ଲବ ଏବଂ ଦ୍ଵିତୀୟ ମ୍ୟାଚ ସିକ୍ରେଟ ୧୧ ଓ ଜିଲ୍ଲା ବାର ଏସୋସିଏସନ ମଧ୍ୟରେ ଖେଳାଯିବ ବୋଲି ଆୟୋଜକ ସନ୍ତୋଷ ଓତା ଜଣାଇଛନ୍ତି I
