ବାରିପଦା: ମୟୂରଭଞ୍ଜ ଜିଲ୍ଲା ଗୋମାଫିଆଙ୍କ ଭୂସ୍ଵର୍ଗ ପାଲଟିଛି । ବେଆଇନ ପଶୁଚାଲାଣ ଯୋଗୁଁ ପଶୁଧନ ଦିନକୁ ଦିନ ଲୋପ ପାଇବାକୁ ଯାଉଛି । ସରକାରଙ୍କ ସବୁ ପ୍ରକାର ନିୟମକୁ ଗୋମାଫିଆମାନେ ଫୁ କରି ଦେଇଛନ୍ତି ।ଅମାନୁଷିକ ଭାବେ ଯନ୍ତ୍ରଣା ଦାୟକ ଭାବେ ଗୋରୁ ଗୁଡ଼ିକୁ କଣ୍ଟେନର,ପିକ ଅପ୍ ଭେନ,ବୋଲେରୋ ସାହାଯ୍ୟରେ ବାହାର ରାଜ୍ୟକୁ ଓ ଦେଶକୁ ଚାଲାଣ କରାଯାଉଛି । ଗୋମାତା ପ୍ରତି ଅକଥନୀୟ ଅତ୍ଯାଚାରକୁ ପ୍ରଶାସନ ଆଖି ବୁଜି ଦେଇଛି ।ଟୋଲଗେଟରେ କେମିତି ବେଆଇନ ଗୋରୁ ଗାଡି ଏବଂ ଜାତୀୟ ରାଜପଥ ଓ ରାଜ୍ୟ ପଥ,ଗ୍ରାମୀଣ ରାସ୍ତାରେ କିଭଳି ବେଆଇନ ଭାବେ ଗୋଚାଲାଣ ହେଉଛି ! ଏଭଳି ଲୋମହର୍ଷଣକାରୀ ଛାତିଥରା ଏବଂ ହୃଦୟ ବିଦାରକ ଦୃଶ୍ୟ ଦେଖିବାକୁ ମିଳିଛି ଦୁଆରଶୁଣି ଘାଟିରେ । ବହୁ ସଂଖ୍ଯାରେ ଗୋବୋଝେଇ କଣ୍ଟେନର ଆଜି ସକାଳ ସମୟରେ ଦୁଆରଶୁଣୀ ଘାଟୀରେ ଦୁର୍ଘଟଣା ଗ୍ରସ୍ତ ହୋଇଛି । ଗୋବୋଝେଇ( ୭୦/୮୦ ରୁ ଉର୍ଦ୍ଧ୍ବ ଗୋ ସଂପଦ)ଦଶ ଚକିଆ କଣ୍ଟେନର ( WB11D3724)ରେ ବିଶୋଇ ପଟୁ ଯାଉଥିବା ସମୟରେ ଦୁର୍ଘଟଣା ହେବାଫଳରେ ବହୁ ସଂଖ୍ୟାରେ ୪୦ ରୁ ଉର୍ଦ୍ଧ୍ବ ଗୋରୁଗୁଡିକର ମୃତ୍ୟୁ ହୋଇ ଯାଇଥିବାବେଳେ ଅଳ୍ପ କିଛି ଆହତ ଗୋରୁ ବଂଚିଥିବା ନଜରକୁ ଆସିଛି।
ପୋଲିସ ଓ ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଜାରି କରିଥିଲେ ।ଟ୍ରକର ଡ୍ରାଇଭର,ହେଲଫର ଘଟଣାସ୍ଥଳରୁ ଚମ୍ପଟ ମାରିଛନ୍ତି । ପୋଲିସ ତଦନ୍ତ ଜାରି ରହିଛି ।ଦୁଇ ଦିନ ତଳେ ବେଆଇନ ଗୋଚାଲାଣ,ବେଆଇନ ଗୋମାଂସ ଚୋରା ଚାଲାଣ ନେଇ ୨୨୦ ନମ୍ବର ଜାତୀୟ ରାଜପଥ ଉତ୍ୟକ୍ତ ଲୋକେ ଵହଳଦାରେ ରାସ୍ତା ଅବରୋଧ କରିଥିଲେ ।ସବୁ ସତ୍ବେ ପୁଣି କିଭଳି ଗୋଚାଲାଣ ହେଉଛି , ଏମାନଙ୍କ ପଛରେ କିଏ ଅଛି ଯାହାଫଳରେ ଏମାନେ ଇନ୍ଦ୍ରଚନ୍ଦ୍ର ମାନୁ ନାହାନ୍ତି! ବେଧଡକ ଭାବରେ ଗୋଚାଲାଣ କରୁଛନ୍ତି ତାହା ସାଧାରଣରେ ପ୍ରଶ୍ନବାଚୀ ସୃଷ୍ଟି ସୋଇଛି । ତେଣୁ ଗୋଚାଲାଣ ଉପରେ ପୋଲିସ ପ୍ରଶାସନ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ସାଧାରଣରେ ଦାବି ହେଉଛି ।
