ବାରିପଦା : ମୟୂରଭଞ୍ଜ ଜିଲ୍ଲା ବାଙ୍ଗିରିପୋଷି ଥାନା ଅନ୍ତର୍ଗତ ବାଙ୍ଗିରିପୋଷିର ଦୁଆରଶୁଣି ଘାଟି ୪୯ ନମ୍ବର ଜାତୀୟ ରାଜପଥ ପାଲଟିଛି ମରଣଯନ୍ତା । ଦୁଆର ଶୁଣି ଘାଟିରେ ମର୍ମନ୍ତୁଦ ଦୁର୍ଘଟଣାରେ ବାଇକ ଓ ଟ୍ରକ ମୁହାଁମୁହିଁ ଧକ୍କା ହୋଇଥିବା ବେଳେ ବାଇକ ଆରୋହୀ ଦମ୍ପତ୍ତିଙ୍କ ମୁଣ୍ଡ ଗଡିଲା । ଏକ ମୋଟରସାଇକେଲ ଯୋଗେ ଯାଉଥିବା ବିଶୋଇ ବ୍ଲକ ଅଞ୍ଚଳର ଦେଉଳ ସାହି ଗ୍ରାମର ରବି ନାରାୟଣ ଦାସ(୪୮) ଓ ପତ୍ନୀ ରେବତୀ ଦାଶ(୪୦) ବାଇକରେ ବିଶୋଇ ପଟୁ ଯାଉଥିବାବେଳେ ଝାରପୋଖରିଆ ଆଡୁ ସାମ୍ନାପଟୁ କୌଣସି ନା କୌଣସି କାରଣରୁ ମୁହାଁ ହେବାଫଳରେ ବାଇକ ଆରୋହୀ ରାସ୍ତା ଉପରେ ରକ୍ତ ଜଉଡଉବଉଡଉ ଅବସ୍ଥାରେ ଛିଟିକି ପଡ଼ିଥିଲେ । ଡ଼୍ରାଇଭର ଭୟରେ ଟ୍ରକଟିକୁ ଛାଡି ଫେରାର ହୋଇଯାଇଥିଲା ।
ଦୁର୍ଘଟଣା ଖବର ପାଇ ବାଙ୍ଗିରିପୋଷି ପୋଲିସ ଘଟଣାସ୍ଥଳରେ ପହଞ୍ଚି ଆମ୍ବୁଲାନ୍ସ ଯୋଗେ ନିକଟସ୍ଥ ବାଙ୍ଗିରିପୋଷି ଡ଼ାକ୍ତରଖାନାକୁ ନେଇଥିଲେ। ହେଲେ ଦୁଃଖର ବିଷୟ ଡାକ୍ତର ଉଭୟ ଦମ୍ପିଙ୍କୁ ମୃତ୍ୟୁ ଘୋଷଣା କରିଥିଲେ। ରବି ନାରାୟଣ ଦାଶ ଓ ତାଙ୍କ ପତ୍ନୀ ଉଭୟ ଧାର୍ମିକ, ସମାଜସେବୀ ଓ ପରୋପକାରୀ ଥିଲେ । ତାଙ୍କ ଅଭାବନୀୟ ଦୁଃଖଦ ମୃତ୍ୟୁ ଖବର ପାଇ ବିଶୋଇ ଅଂଚଳରେ ଶୋକରେ ଛାୟା ଖେଳିଯାଇଛି ।
