ବାରିପଦା : ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ମହାରଜା ପୂର୍ଣ୍ଣ ଚନ୍ଦ୍ର ମହାବିଦ୍ୟାଳୟର ବାଣିଜ୍ୟ ବିଭାଗ ୧୯୯୨ ବ୍ୟାଚର ଛାତ୍ରଛାତ୍ରୀ ମାନଙ୍କୁ ନେଇ ଏକ ବନ୍ଧୁମିଳନ ପର୍ବ ସ୍ଥାନୀୟ ଗୁରୁଜୀ ଗାର୍ଡେନ ରେ ଅନୁଷ୍ଠିତ ହୋଇଯାଇଛି I ଏହି ବନ୍ଧୁ ମିଳନ ପର୍ବରେ ପ୍ରାୟ ୮୦ ରୁ ଉର୍ଦ୍ଧ ବାଣିଜ୍ୟ ବିଭାଗର ପୁରାତନ ଛାତ୍ର ଛାତ୍ରୀ ତାଙ୍କର ପରିବାର ବର୍ଗଙ୍କ ସହ ସାମିଲ ହୋଇଥିଲେ I ପ୍ରାରମ୍ଭରେ ଏକ ବୈଠକ ଅନୁଷ୍ଠିତ ହେବା ସହ ସମସ୍ତଙ୍କ ମଧ୍ୟରେ ଭାବର ଆଦାନ ପ୍ରଦାନ ହୋଇଥିଲା l ଦିନତମାମ ବିଭିନ୍ନ ରଙ୍ଗାରଙ୍ଗ କାର୍ଯ୍ୟକ୍ରମର ସମସ୍ତେ ମଜା ନେଇଥିଲେ I ପରିଶେଷରେ ବନ୍ଧୁତାକୁ ଅତୁଟ ରଖିବା ପାଇଁ ଏବଂ ସମସ୍ତ ସଦସ୍ୟ ଙ୍କ କଲ୍ୟାଣ ପାଇଁ ଏକ ସଂଗଠନ ଗଢିବାକୁ ସର୍ବସମ୍ମତି କ୍ରମେ ନିଷ୍ପତି ନିଆଯାଇଥିଲା I ଏହି ସଂଗଠନର ନାମ “ଏମ ପି ସି କମର୍ସ ୧୯୯୨ ଫ୍ରେଣ୍ଡସ ୱେଲଫେୟାର ସୋସାଇଟି “ରଖିବାକୁ ସ୍ଥିର ହୋଇଥିଲା I ଉକ୍ତ ସଂଗଠନର ସଭାପତି ଭାବେ ଅମୀୟ କୁମାର ଦଳେଇ, ଉପ ସଭାପତି ଭାବେ ଗୌତମ ଶଙ୍କର ରାୟ ଓ ପ୍ରଭାତ ପାତ୍ର, ସମ୍ପାଦକ ଭାବେ ଅମ୍ବିକା ପ୍ରସାଦ ମହାନ୍ତି, ସମ୍ପାଦକ, ସହ ସମ୍ପାଦକ ଭାବେ ଜ୍ଞାନରଞ୍ଜନ ପଣ୍ଡା ଓ ଅଶୋକ ଦାସ ଓ କୋଷାଧକ୍ଷ ଭାବେ ସୁଦିପ ଦାସଙ୍କୁ ସର୍ବସମ୍ମତି କ୍ରମେ ଚୟନ କରାଯାଇଥିଲା I ଏହି କାର୍ଯ୍ୟକ୍ରମ କୁ ସଫଳ କରିଥିବାରୁ ସଭାପତି ଅମୀୟ କୁମାର ଦଳେଇ ସମସ୍ତ ବନ୍ଧୁ ବାନ୍ଧବୀ ମାନଙ୍କୁ ଧନ୍ୟବାଦ ଅର୍ପଣ କରିଥିଲେ I ଆଗାମୀ ବର୍ଷ ପାଇଁ ବିଭିନ୍ନ କାର୍ଯ୍ୟକ୍ରମ ଉପରେ ସମ୍ପାଦକ ଅମ୍ବିକା ପ୍ରସାଦ ମହାନ୍ତି ଆଲୋକପାତ କରିଥିଲେ I
