କଟକ : କଟକ ରେଭେନ୍ସା ବିଶ୍ବବିଦ୍ୟାଳୟ ପରିସରରେ ଜାତୀୟ ଆଇନସେବା ଦିବସ ପାଳିତ ହୋଇଯାଇଛି | ଏହି ଉପଲକ୍ଷେ ଜିଲ୍ଲା ଆଇନ୍ ସେବା ପ୍ରାଧୀକରଣ କଟକ ଓ ରେଭେନ୍ସା ଵିଶ୍ୱଵିଦ୍ୟାଳୟ ମିଳିତ ଆନୁକୁଲ୍ୟରେ ଏକ ସଚେତନତା ରାଲୀ ରେଭେନ୍ସା ଵିଶ୍ୱଵିଦ୍ୟାଳୟ ପରିସରରୁ ବାହାରି କଲେଜ ଛକ ଦେଇ ସମ୍ମିଳନୀ ସଭା ଗ୍ରୁହ ନିକଟକୁ ଆସି ଥିଲା । ଏଥିରେ୨୦୦ ରୁ ଉର୍ଦ୍ଧ୍ବ ଛାତ୍ରଛାତ୍ରୀ ଏନ୍ ସି ସି କ୍ୟାଡେଟ୍ ଅଂଶ ଗ୍ରହଣ କରିଥିଲେ। ଜିଲ୍ଲା ଆଇନ୍ ସେବା ପ୍ରାଧୀକରଣ କଟକ ସଂପାଦକ ଜଗଦୀଶ ଚନ୍ଦ୍ର ଜେନା, ଆଇନଜୀବୀ ବିଜୟ କୁମାର ପଣ୍ଡା, ଦିଲ୍ଲପ କୁମାର ମହାନ୍ତି, ଛାତ୍ର ମଙ୍ଗଳ ନିର୍ଦ୍ଦେଶକ ଦିପ୍ତୀ ରଂଜନ ମହାରଣା ସମସ୍ତ ଅତିଥିମାନଙ୍କୁ ନେଇ ଏକ ଆଇନ୍ ସଚେତନତା କାର୍ଯ୍ୟ କ୍ରମ ରେଭେନ୍ସା ଵିଶ୍ୱଵିଦ୍ୟାଳୟ ସଭାଗ୍ରୁହରେ ଅନୁଷ୍ଠିତ ହୋଇଯାଇଛି।
ଆଇନ୍ ସେବା, ସମସ୍ତଙ୍କୁ ନ୍ୟାୟ, ଲୋକ ଅଦାଲତ, ମେଡିଏସନ୍ ଦ୍ବାରା ଵିଵାଦର ସମାଧାନ ପରି ଅନେକ ଆଇନ୍ ଗତ ଦିଗ ଉପରେ ସଚେତନ କରାଯଇଥିଲା। ଶେଷରେ ଆଇନ ସେବା ଉପରେ ଆଧାରିତ ସଙ୍ଗୀତ ପର୍ଦାରେ ପ୍ରଦର୍ଶନ କରାଯିଵା ପରେ ଛାତ୍ର ମଙ୍ଗଳ ନିର୍ଦ୍ଦେଶକ ଦିପ୍ତୀ ରଂଜନ ମହାରଣା ଧନ୍ୟବାଦ ଦେଇ ସଭା ସାଙ୍ଗ କରିଥୀଲେ ।
