ରାସ୍ତା ତଳକୁ ଭାରସାମ୍ୟ ହରାଇ ଖସି ପଡ଼ିଲା କାର, ଅଳ୍ପକେ ବର୍ତିଲେ ଦମ୍ପତି

ବାରିପଦା:  ରାଇରଙ୍ଗପୁର- ଯଶିପୁର ରାସ୍ତା ରାଇରଙ୍ଗପୁର ଠାରୁ ୭ କିମି ଦୂର ୨୨୦ ନମ୍ବର ଜାତୀୟ ରାଜପଥ ରାଣୀ ବନ୍ଧ ଜଳାଶୟ ନିକଟରେ ଏକ କାର ଭାରସାମ୍ୟ ହରାଇ ୩୦ ଫୁଟ ତଳକୁ ଖସି ଓଲଟି ପଡିଥିଲା । ସୂଚନାଯୋଗ୍ୟ ଏକ ଦମ୍ପତ୍ତି କାର୍ ଯୋଗେ କୁସୁମି ବ୍ଳକ ଅନ୍ତର୍ଗତ ଖେରଣା ଗ୍ରାମର ବାପି ମହାନ୍ତ ଏବଂ ତାଙ୍କ ସ୍ତ୍ରୀ ଦିପ୍ତୀରେଖା ମହାନ୍ତ ନିଜ ଓ୍ବାଗନର କାର ଯୋଗେ ରାଇରଙ୍ଗପୁର ସନ୍ନିକଟ ରେଙ୍ଗଲାଵେଡା ଶଶୁର ଘର ଗାଁ ପାଖକୁ କାଳୀପୂଜା ଅବସରରେ ବାନ୍ଦଣା ପର୍ବ ବନାଇବାକୁ ଅପରାହ୍ନ ୪.୩୦ ଟା ପାଖାପାଖି ସମୟରେ ଆସୁଥିବା ବେଳେ ରାଣୀଵନ୍ଧ ପାଖରେ ଭାରସାମ୍ୟ ହରାଇ ରାସ୍ତା ତଳକୁ ଖସି ଓଲଟି ପଡ଼ିଥିଲା ।ମହିଳା କାର ଦ୍ଵାର ଖୋଲି ଯିବାରୁ ଛିଟିକି ଘାସ ଉପରେ ପଡ଼ିଥିଲେ ।ସ୍ବାମୀ ଜଣକ ବେଲଟ ଥିବା ଯୋଗୁଁ ମୁଣ୍ଡ ଓ ଗୋଡ଼ରେ ଆଘାତ ହୋଇଛି । ସ୍ଥାନୀୟ ଲୋକେ ସେମାନଙ୍କୁ ଉଦ୍ଧାର କରି ରାଇରଙ୍ଗପୁର ହସ୍ପିଟାଲ କୁ ପଠାଇଛନ୍ତି ।