ବାରିପଦା: ଓଡ଼ିଶା ପ୍ରଶାସନିକ ସେବାରେ ସଫଳତା ଲାଭ କରିଥିବା ମୟୂରଭଞ୍ଜ ଜିଲ୍ଲାର ଯାମଦା ବ୍ଳକ ଅନ୍ତର୍ଗତ ଧଳପୁର ଗ୍ରାମର ଦୀନେଶ ପୂର୍ତ୍ତି ଙ୍କୁ ସମ୍ବର୍ଦ୍ଧନା ର ପର୍ଵ ଜାରି ରହିଛି ।ଆଜି ରାଇରଙ୍ଗପୁର ଉପଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ହୋ ସମାଜ ତରଫରୁ ତାଙ୍କୁ ପୁଷ୍ପଗୁଛ ଦିଆଯାଇ ସମ୍ବର୍ଦ୍ଧିତ କରାଯାଇଛି । ଏଥିରେ ପ୍ରାକ୍ତନ ବିଧାୟକ ପ୍ରହଲ୍ଲାଦ ପୂର୍ତ୍ତି,ହୋ ସମାଜର ଆଗ ଧାଡିର ସଂଗଠକ ମଟକା ଵିରୁଆ,ବହୁଜନ ସମାଜ ପାର୍ଟି ମୟୂରଭଞ୍ଜ ସାଂସଦ ପ୍ରାର୍ଥୀ ଜଟିଆ ସାଇଁୟା ସମେତ ଅନ୍ୟମାନେ ଉପସ୍ଥିତ ରହି ତାଙ୍କୁ ସମ୍ବର୍ଦ୍ଧିତ କରିବା ସହ ତାଙ୍କର ଆଗକୁ ଉତ୍ତରୋତ୍ତର କାମନା କରିଛନ୍ତି ।ଦୀନେଶ ହେଉଛନ୍ତି ଯାମଦା ଅଂଚଳର ତଥା ହୋ ସମାଜର ସୁଯୋଗ୍ୟ ସନ୍ତାନ ଓ ଗୌରବ । ତାଙ୍କର ସଫଳତା ହୋ ସମାଜର ଯୁବ ପିଢ଼ିକୁ ପ୍ରେରଣା ଯୋଗାଇବ ।
