ସୁନୀଲ ବୋଂସଲ ଙ୍କ ଶିମିଳିପାଳ ଗସ୍ତ

• ଶିମିଳିପାଳରେ ରାତ୍ରୀଯାପନ, ଆଦିବାସୀ ଖଡ଼ିଆ, ମାଙ୍କିଡିଆଙ୍କୁ ଭେଟିବେ

ବାରିପଦା: ଭାରତୀୟ ଜନତା ପାର୍ଟିର ରାଷ୍ଟ୍ରୀୟ ସାଧାରଣ ସମ୍ପାଦକ ତଥା ଦଳର ପଶ୍ଚିମବଙ୍ଗ, ତେଲେଙ୍ଗାନା ଏବଂ ଓଡ଼ିଶା ପ୍ରଭାରୀ ସୁନୀଲ ବୋଂସଲ ବୁଧବାର‌ ଦିନ ଶିମିଳିପାଳ ଗସ୍ତରେ ଆସୁଛନ୍ତି l ବୁଧବାର ଦିନ ସଂଧ୍ୟା ବେଳେ ତାଙ୍କୁ ଯଶିପୁରର ଖଇରୀ ବଙ୍ଗଳାଠାରେ ସ୍ୱାଗତ ଦଳୀୟ କର୍ମୀଙ୍କ ଦ୍ୱାରା ସ୍ୱାଗତ କରାଯିବ l ଏହାପରେ ସେ ଶିମିଳିପାଳ ଗସ୍ତରେ ଯାଇ ଗୁରଗୁଡ଼ିଆଠାରେ ରାତ୍ରୀଯାପନ କରିବେ l ତହିଁ ପରଦିନ ଗୁରୁବାର ଦିନ 11 ଟା ବେଳେ ଗୁରଗୁଡ଼ିଆଠାରେ ଏକ ସଭାରେ ଯୋଗ ଦେବେ l ଏହି ଅବସରରେ ସୁନିଲ ବଂଶଲ ଶିମିଳିପାଳ ବନାଞ୍ଚଳରେ ବସବାସ କରୁଥିବା ସମାଜର ବିଭିନ୍ନ ଅବହେଳିତ ଲୋକଙ୍କ ସମେତ ବିରଳ ଜନଜାତି ଖଡିଆ, ମାଙ୍କିଡିଆମାନଙ୍କୁ ଭେଟି ସେମାନଙ୍କୁ ଦଳର ସଦସ୍ୟ କରାଇବା ପାଇଁ ଆଲୋଚନା କରିବାର କାର୍ଯ୍ୟକ୍ରମ ରହିଛି l ତାଙ୍କ ସହିତ ଯଶିପୁର ବିଧାୟକ ତଥା ଜଙ୍ଗଲ, ପରିବେଶ ଏବଂ ଜଳବାୟୁ ପରିବର୍ତ୍ତନ ବିଭାଗ ମନ୍ତ୍ରୀ ଇଂ ଗଣେଶରାମ ସିଂ ଖୁଣ୍ଟିଆ ଯୋଗ ଦେବାର କାର୍ଯ୍ୟକ୍ରମ ରହିଥିବା ଦଳୀୟ ସୂତ୍ରରୁ ଜଣା ପଡ଼ିଛି l