ବାରିପଦା: ମହାରାଜା ଶ୍ରୀରାମଚନ୍ଦ୍ର ଭଞ୍ଜଦେଓ ବିଶ୍ୱବିଦ୍ୟାଳୟ, ବାରିପଦା ଓ ଯୁବ ଓ ଗ୍ରାମ୍ୟ ଉନ୍ନୟନ କେନ୍ଦ୍ର (ସି.ୱାଇ.ଏସ.ଡି.) ସହ ଗତ ୩୦ ଜୁଲାଇ ୨୦୨୪ ଦିନ ଏକ ବୁଝାମଣାପତ୍ର ସ୍ୱାକ୍ଷର ହୋଇଅଛି। ଏହି ବୁଝାମଣାପତ୍ର ଜରିଆରେ ନୃତତ୍ତ୍ୱ ବିଜ୍ଞାନ ଓ ଜନଜାତି ଅଧ୍ୟୟନ ବିଭାଗ, ଅର୍ଥନୀତି ବିଭାଗ, ସାମାଜିକ କାର୍ଯ୍ୟ ବିଭାଗ ଆଦିକୁ ସହଯୋଗୀ କାର୍ଯ୍ୟରେ ସାମିଲ କରାଯିବ। ଏହି ଅବସରରେ ଶ୍ରୀ ଜଗଦାନନ୍ଦ ଯୁବ ଓ ଗ୍ରାମ୍ୟ ଉନ୍ନୟନ କେନ୍ଦ୍ରର କାର୍ଯ୍ୟକଳାପ ଏବଂ ସହଯୋଗର ସମ୍ଭାବ୍ୟ କ୍ଷେତ୍ର ବିଷୟରେ ସୂଚନା ଦେଇଥିଲେ। ଏହି ବୁଝାମଣାପତ୍ର ମାଧ୍ୟମରେ ସମ୍ପୃକ୍ତ ବିଶ୍ୱବିଦ୍ୟାଳୟର ସମ୍ପୃକ୍ତ ବିଭାଗମାନେ ମିଳିତଭାବରେ ଅନୁସନ୍ଧାନ କରିପାରିବ ଏବଂ ଛାତ୍ରମାନେ ମାଗଣା ଏବଂ ଦେୟଯୁକ୍ତ ଇଣ୍ଟର୍ନସିପ୍ ଏବଂ ଏକ୍ସପୋଜର୍ ପାଇପାରିବେ | ବିଶ୍ୱବିଦ୍ୟାଳୟ କୁଳପତି ପ୍ରଫେସର ସନ୍ତୋଷ କୁମାର ତ୍ରିପାଠୀ ସ୍ନାତକୋତ୍ତର ପରିଷଦର ଅଧ୍ୟକ୍ଷ ପ୍ରଫେସର ହେମନ୍ତ କୁମାର ସାହୁ, ପରୀକ୍ଷା ନିୟନ୍ତ୍ରକ ଶ୍ରୀ ସୁବ୍ରତ କୁମାର ରଣାଙ୍କ ଉପୋସ୍ଥିତିରେ ବିଶ୍ୱବିଦ୍ୟାଳୟ ପକ୍ଷରୁ କୁଳସଚିବ ଶ୍ରୀସହଦେବ ସମାଧିଆ ଓ ଯୁବ ଓ ଗ୍ରାମ୍ୟ ଉନ୍ନୟନ କେନ୍ଦ୍ର ପକ୍ଷରୁ ପରାମର୍ଶଦାତା ଏବଂ ସହପ୍ରତିଷ୍ଠାତା ଶ୍ରୀ ଜଗଦାନନ୍ଦ ଦସ୍ତଖତ କରିଥିଲେ। ନୃତତ୍ତ୍ୱ ବିଜ୍ଞାନ ଓ ଜନଜାତି ଅଧ୍ୟୟନ ବିଭାଗର ଡକ୍ଟର ବସନ୍ତ କୁମାର ମହନ୍ତଙ୍କୁ ଏହି ଦୁଇଟି ସଂଗଠନକୁ ବିଭିନ୍ନ କାର୍ଯ୍ୟକଳାପରେ ସମନ୍ୱିତ କରିବାକୁ ଦାୟିତ୍ୟ ଦିଆଯାଇଛି। ଏହି ସମାରୋହରେ ଯୁବ ଓ ଗ୍ରାମ୍ୟ ଉନ୍ନୟନ କେନ୍ଦ୍ରର କୋଷାଧ୍ୟକ୍ଷ ଶ୍ରୀ ବସନ୍ତ ମହାନ୍ତି ତଥା ବିଶ୍ୱବିଦ୍ୟାଳୟର ନୃତତ୍ତ୍ୱ ବିଜ୍ଞାନ ଓ ଜନଜାତି ଅଧ୍ୟୟନ, ଅର୍ଥନୀତି ଓ ସାମାଜିକ କାର୍ଯ୍ୟ ବିଭାଗର ପ୍ରଫେସର ମିନତି ମଲ୍ଲିକ, ପ୍ରଫେସର କବିତା କୁମାରୀ ସାହୁ , ଡ. ବସନ୍ତ କୁମାର ମହାନ୍ତ, ଡ. ମୋନାଲି ଗୋସ୍ୱାମୀ, ଡ. ପ୍ରତାପ କୁମାର ଜେନା, ଡ. ପ୍ରିୟଙ୍କା ଦାସ, ଡ. ଭୁବନେଶ୍ବର ଶବର, ଶୁଭେନ୍ଦୁ କୁମାର ଶତପଥୀ, ସୁଜୟ କୁଣ୍ଡୁ, ମନୁ ନାୟକ, ଶୁଭଜିତ ସେନ, ମିସ୍ ପାୟଲ ପ୍ରଧାନ, ପ୍ରଶାନ୍ତ କୁମାର ଦାସ, ସୁଜାତା ମହାକୁଡ, ବିଶ୍ଵଜିତ ଷଡଙ୍ଗୀ ପ୍ରମୁଖ ଉପସ୍ଥିତ ଥିଲେ।
