ଆଗରପଡ଼ା :ବନ୍ତ ବ୍ଲକ ଗୋପିନାଥପୁର ପଂଚାୟତ ଅନ୍ତର୍ଗତ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ,ସାହୁପଡ଼ାର ବାର୍ଷିକ ପୁରସ୍କାର ବିତରଣ ଉତ୍ସବ ଓ ଅବସର କାଳୀନ ସମ୍ବର୍ଦ୍ଧନା ସଭା ବିଦ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି । ବିଦ୍ୟାଳୟ ପ୍ରଧାନ ଶିକ୍ଷୟିତ୍ରୀ ରଜନୀ ଦାସଙ୍କ ସଭାପତିତ୍ୱ ଓ ପରିଚାଳନା କମିଟି ସଭାପତି ଭୀଷ୍ମଦେବ ଦାସଙ୍କ ସଭା ପରିଚାଳନାରେ ଆୟୋଜିତ ସଭାରେ ମୁଖ୍ୟ ଅତିଥି ଭାବେ ବ୍ଲକ ଅଧ୍ୟକ୍ଷ ମନୋରଜଂନ ଘଡ଼େଇ ଯୋଗ ଦେଇଥିବା ବେଳେ । ମୁଖ୍ୟ ବକ୍ତା ଭାବେ ଅବସର ପ୍ରାପ୍ତ ଶିକ୍ଷକ ରତ୍ନାକର ସାହୁ ଯୋଗ ଦେଇଥିଲେ । ସମ୍ମାନୀତ ଅତିଥି ଭାବେ ଏବିଇଓ ପ୍ରମୋଦ ପଣ୍ଡା, ସରପଂଚ ସବିତା ରାଣୀ ନାୟକ, ସିଆରସିସି ବିକ୍ରମ କେଶରୀ ପାଲ,ନାଏବ ସରପଂଚ ରାଜେନ୍ଦ୍ର ବେହେରା,ଅବସର ପ୍ରାପ୍ତ ଶିକ୍ଷକ ରବିନ୍ଦ୍ର ନାଥ ଖଟୁଆ,ରତ୍ନାକର ନାୟକ, ହରେକୃଷ୍ଣ ସାହୂ ଏବଂ ଗୋବିନ୍ଦ ଚନ୍ଦ୍ର ସାହୂ ପ୍ରମୁଖ ଯୋଗ ଦେଇଥିଲେ ।
କୃତି ଛାତ୍ରଛାତ୍ରୀଙ୍କୁ ଅତିଥି ମାନେ ପୁରସ୍କାର ପ୍ରଦାନ କରିଥିଲେ । ଏହି ଅବସରରେ ଶିକ୍ଷୟିତ୍ରୀ ସୁଷମା ପଣ୍ଡାଙ୍କୁ ଅତିଥିଙ୍କ ଦ୍ୱାରା ପୁଷ୍ପଗୁଚ୍ଛ ଓ ଉପଢୌକନ ପ୍ରଦାନ ପୂର୍ବକ ଅବସର କାଳୀନ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା । ଆଯୋଜିତ ବିଭିନ୍ନ କାର୍ଯ୍ୟକ୍ରମରେ ବିଦ୍ୟାଳୟ କର୍ମକର୍ତ୍ତା କାମିନୀ ପଣ୍ଡା, ସୁମିତ୍ରା ସେଠୀ, ଗୋପାଳ ଚନ୍ଦ୍ର ସାହୁ,ଉତ୍ତମ ଜେନା, ଗିରିଶ ଚନ୍ଦ୍ର ଦାସ, ମଂଗତ ସୋରେନଙ୍କ ସମେତ ପରିଚାଳନା କମିଟି ସଭ୍ୟ/ସଭ୍ୟା ଓ ପିଓିଏ ସଦସ୍ୟ,ଅଙ୍ଗନବାଡ଼ି କର୍ମୀ ଏବଂ ଗ୍ରାମବାସୀ ସହଯୋଗ କରିଥିଲେ ।
