ବାରିପଦା: ମୟୁରଭଞ୍ଜ ଜିଲ୍ଲା କୁସୁମୀ ବ୍ଲକ ବାଦାମ ପାହାଡ଼ ଡିଗ୍ରୀ ମହାବିଦ୍ୟାଳୟ ରେ ଗତ ୧୬ ନଭେମ୍ବର ରୁ ଚାଲିଥିବା ସମ୍ମାନୀତ ଯୁବ ବିକାଶ ନୂଆ ଓ ୨୯ ଡିସେମ୍ବର ୨୦୨୩ ରେ ଉଦଯାପିତ ହୋଇଥିଲା। ଉଦଯାପନୀ ସମାରୋହରେ ଅନୁପସ୍ଥିତି ଥିବା କୃତି ଛାତ୍ର ଛାତ୍ରୀ ମାନଙ୍କୁ ନୂଆ ଓ ର ସ୍ଵତନ୍ତ୍ର ଉତ୍ସବରେ ସାର୍ଟିଫିକେଟ ଓ ମେଡାଲ ପ୍ରଦାନ ଅବସରରେ ଭବ୍ୟ ‘ନୂଆ ଓ, ଯୁବ ଓଡ଼ିଶା ନବୀନ ଓଡ଼ିଶା’ ଆନୁକୂଲ୍ୟରେ ସାମାଜିକ ଓ ସାଂସ୍କୃତିକ କାର୍ଯ୍ୟକ୍ରମ ଉଦଯାପିତ ହୋଇଯାଇଛି। ଓଡ଼ିଶା ସରକାର ଙ୍କ ଉଚ୍ଚ ମାଧ୍ୟମିକ ଶିକ୍ଷା ବିଭାଗ ଆନୁକୂଲ୍ୟରେ ଆୟୋଜିତ କାର୍ଯ୍ୟକ୍ରମ ରେ କଲେଜ ର ଅଧ୍ୟକ୍ଷ ଶ୍ରୀ ଭୂପତି ଗିରି ଙ୍କ ଅଧ୍ୟକ୍ଷତାରେ ଆୟୋଜିତ କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବରେ ବିଜେଡି ରାଜ୍ୟ ସମ୍ପାଦକ ଶ୍ରୀ ମହେଶ ଚନ୍ଦ୍ର ହେମ୍ରମ ଯୋଗଦେଇଥିଲେ।
ମୁଖ୍ୟ ବ୍ୟକ୍ତା ଭାବରେ ରାଇରଙ୍ଗପୁର କଲେଜ ଅଧ୍ୟାପକ ଡ଼ ମିଲନ କୁମାର ମହାନ୍ତ ଯୋଗଦେଇଥିଲେ। ସମ୍ମାନୀତ ଅତିଥି ଭାବରେ ଜିଲ୍ଲା ପରିଷଦ ସଦସ୍ୟ ଶ୍ରୀ ରାମଚନ୍ଦ୍ର ମୁର୍ମୁ,ପୁତୁଲ ହାଇବୁରୁ, ବିଜ୍ଞାନ କଲେଜ ଅଧ୍ୟକ୍ଷ ଶ୍ରୀ ବିଭୁତି ଭୁଷଣ ସାହୁ ଏବଂ ଧାଙ୍ଗୁଡିମୁତା ସରପଞ୍ଚ ଶ୍ରୀ ଦିଲ୍ଲିପ ସୋରେନ୍ ଯୋଗଦେଇ ନିଜ ନିଜ ବ୍ୟକ୍ତବ୍ୟ ରଖି ଥିଲେ। ଛାତ୍ର ଛାତ୍ରୀ ମାନଙ୍କ ଦ୍ଵାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା। ଏହି କାର୍ଯ୍ୟକ୍ରମ ରେ ବାଦାମ ପାହାଡ଼ ଡିଗ୍ରୀ ମହାବିଦ୍ୟାଳୟ ର ସମସ୍ତ ଅଧ୍ୟାପକ ଅଧ୍ୟାପିକାମାନେ ଓ ସମସ୍ତ କର୍ମଚାରୀ ସହଯୋଗ କରିଥିଲେ।
