ବାରିପଦା: ଝାରପୋଖରୀଆ ସ୍ଥିତ ସୀମାନ୍ତ ଇଂଜିନିୟରିଂ କଲେଜରେ ପ୍ରଥମ ଓ ପୁରାତନ ଛାତ୍ରଛାତ୍ରୀ ମାନଙ୍କର ଏକ ସମ୍ମିଳନୀ ଅନୁଷ୍ଠିତ ହୋଇଅଛି । କଲେଜର ଅଧ୍ୟକ୍ଷ ଡ ମାନସ ରଞ୍ଜନ ପାଣିଙ୍କ ପ୍ରତ୍ୟକ୍ଷ ତତ୍ୱାବଧାବରେ ଅନୁଷ୍ଠିତ ଉକ୍ତ ସମ୍ମିଳନୀ ରେ ମହାବିଦ୍ୟାଳୟର ପରିଚାଳନ କମିଟିର ସଭାପତି ଇଂ. ଅଶୋକ କୁମାର ବଶା ମୁଖ୍ୟ ଅତିଥି ରୂପେ ଯୋଗ ଦେଇ ଛାତ୍ରଛାତ୍ରୀମାନଙ୍କୁ ଏକ ସୁସ୍ଥ ସମାଜ ଗଠନ କରିବା ପାଇଁ ଉପସ୍ଥିତ ସମସ୍ତଙ୍କୁ ଉପଦେଶ ଦେଇଥିଲେ । । ଉକ୍ତ ସମ୍ମିଳନୀରେ ଉକ୍ତ କଲେଜର ବହୁ ପୁରାତନ ଛାତ୍ରଛାତ୍ରୀ ଯୋଗଦେଇଥିଲେ । ପୂର୍ବତନ ଛାତ୍ର ସଂସଦର ସଭାପତି ଇଂ. ବନ୍ଦନା ନାଏକ, ଉପସଭାପତି ଇଂ. ଦ୍ୱିପନ୍ନିତା ସାହୁ ସାଧାରଣ ସମ୍ପାଦକ ଇଂ. ଜ୍ୟୋତି ପ୍ରଭା ମହାନ୍ତ ଉତ୍ସବଟିକୁ ପରିଚାଳନା କରିଥିଲେ । ଏହି ବିଦ୍ୟାଳୟର କାର୍ଯ୍ୟରତ ପୁରାତନ ଛାତ୍ରଛାତ୍ରୀଙ୍କ ପ୍ରତ୍ୟକ୍ଷ ସହେଯାଗରେ ଏହା ସଫଳ ହୋଇଥିଲା । ଏଥି ସହିତ ଉକ୍ତ ସମ୍ମିଳନୀ କୁ ୟୁଟୁବ ମାଧ୍ୟମରେ କାର୍ଯ୍ୟକ୍ରମର ସିଧା ପ୍ରସାରଣ କରାଯାଇଥିଲା ।
