ବାରିପଦା: ସ୍ଥାନୀୟ ବାରିପଦା କଲେଜ ପଡିଆରେ ସିକ୍ରେଟ କ୍ଲବ ଆନୁକୂଲ୍ୟରେ ଆୟୋଜିତ ମୟୁରଭଞ୍ଜ ଭେଟେରାନ ଟି – ୧୦ କ୍ରିକେଟ ଟୁର୍ଣ୍ଣାମେଣ୍ଟର ଷଷ୍ଠ ଦିନର ପ୍ରଥମ ମ୍ୟାଚରେ ସିକ୍ରେଟ ୧୧ ଡି ଆର କେ କୁ ୧୨ ରନରେ ପରାସ୍ତ କରିଛି I ପ୍ରଥମେ ବ୍ୟାଟିଂ କରି ସିକ୍ରେଟ ୧୦ ଓଭରରେ ୬ ଉଇକେଟ ହରାଇ ୧୧୨ ରନ କରିଥିଲେ I ଦଳ ପକ୍ଷରୁ ମଳୟ କୁମାର ବଳ ୪୦, ସମସେର ଆଲାମ ୩୧ ଓ ଆଲୋକ କୁମାର ପରିଡା ୨୯ ରନ କରିଥିବାବେଳେ ବିପକ୍ଷ ଦଳର ସୁବ୍ରତ ଲେଙ୍କା ୩ ଟି ଓ ଦୀପକ ରଞ୍ଜନ ସାହୁ ୨ ଟି ଉଇକେଟ ଅକ୍ତିଆର କରିଥିଲେ I ଉତ୍ତରରେ ଡି ଆର କେ ୧୦ ଓଭରରେ ୨ ଉଇକେଟ ହରାଇ ୧୦୦ ରନ ହାସଲ କରିଥିଲେ I ଦଳ ପକ୍ଷରୁ ଦିବ୍ୟେଶ ମହାନ୍ତି ସର୍ବାଧିକ ୬୮ ରନ କରିଥିଲେ I ଦ୍ଵିତୀୟ ମ୍ୟାଚରେ ମା ଅମ୍ବିକା ୱାରିୟାର୍ସ ଏଟାକ ୧୧ କୁ ୯ ଉଇକେଟରେ ପରାସ୍ତ କରିଥିଲା I ପ୍ରଥମେ ବ୍ୟାଟିଂ କରି ଏଟାକ ୧୦ ଓଭରରେ ୬ ଉଇକେଟ ହରାଇ ୧୧୯ ରନ କରିଥିଲେ I
ଦଳ ପକ୍ଷରୁ ଦୀପକ କୁମାର ବେହେରା ୬୮ ରନ କରିଥିବା ବେଳେ ବିପକ୍ଷ ଦଳର ଅମିତ ବିଶ୍ୱାସ ଓ ଲକ୍ଷ୍ମୀଧର ସିଂ ୨ ଟି ଲେଖାଏଁ ଉଇକେଟ ଅକ୍ତିଆର କରିଥିଲେ I ଉତ୍ତରରେ ୮.୩ ଓଭରରେ ୧ ଉଇକେଟ ହରାଇ ୧୨୧ ରନ କରି ବିଜୟ ଲକ୍ଷ୍ୟ ହାସଲ କରିପାରିଥିଲେ I ଦଳ ପକ୍ଷରୁ ଲକ୍ଷ୍ମୀଧର ସିଂ ୭୭ ଓ ଦେବାଶିଷ ଗୁପ୍ତା ୨୪ ରନ କରିଥିଲେ I ଅବିନାଶ ରଥ, ଶେଖ ଲାଇକୁଦ୍ଦିନ ଓ ଚନ୍ଦନ ଦାସ ଖେଳ ପରିଚାଳନା କରିଥିବା ବେଳେ ଆନିଷ ମିଶ୍ର, ତୁଷାର ଦ୍ବିବେଦୀ ସ୍କୋରିଙ୍ଗରେ ସହାୟତା କରିଥିଲେ I ଦୀପକ ଦାସ ଧାରା ବିବରଣୀ ଦେଇଥିଲେ I ଆସନ୍ତା କାଲିର ପ୍ରଥମ ମ୍ୟାଚ ଏ ଆର ଫାଇଟର ଓ ମହାନ୍ତି ଟାଇଗର୍ସ ଏବଂ ଦ୍ଵିତୀୟ ମ୍ୟାଚ ଜିଲ୍ଲା ବାର ଏସୋସିଏସନ ଓ ଖୁଣ୍ଟା ମଧ୍ୟରେ ଖେଳାଯିବ ବୋଲି ଆୟୋଜକ ସନ୍ତୋଷ ଓତା ଜଣାଇଛନ୍ତି I
