ଆଗରପଡ଼ା:ଜିଲ୍ଲାର ପ୍ରମୁଖ ତଥା ପୁରାତନ ଆଗରପଡ଼ା ସରକାରୀ ବାଳିକା ହାଇସ୍କୁଲରେ ଚଳିତବର୍ଷର ବାର୍ଷିକ କ୍ରୀଡ଼ା ଉତ୍ସବରେ ବରିଷ୍ଠ ବିଭାଗରେ ଦଶମ ଶ୍ରେଣୀ ଛାତ୍ରୀ ବେବିରାଣୀ ଯେନା ଓ କନିଷ୍ଠ ବିଭାଗରେ ଅଷ୍ଟମଶ୍ରେଣୀ ଉାତ୍ରୀ ପାଙ୍ଗିଲା ପୂର୍ତ୍ତି ଚମ୍ପିୟାନ ହୋଇଛନ୍ତି । ଉଭୟଙ୍କୁ ଉପସ୍ଥିତ ଅତିଥିଙ୍କ ଦ୍ୱାରା ପୁଷ୍ପଗୁଚ୍ଛ,ମାନପତ୍ର ସହ ସିଲଡ଼ ପ୍ରଦାନ କରାଯାଇଥିଲା ।
ପ୍ରଧାନଶିକ୍ଷକ ବିପିନ ବିହାରୀ ପାଢୀ, ଅଜିତ ରାଉଳ, ଭୀମସେନ ପାଳ, ପ୍ରମୋଦିନୀ ସାହୁ, ବନଜିନୀ ନାୟକ, ରଂଜିତା ସିଅଳ, ସାବିତ୍ରୀ ଦାଶ, ଭାଗ୍ୟଶ୍ରୀ ପଣ୍ଡା, ବିଦ୍ୟୁତଲତା ଦାସ, ଷ୍ଟାଲିନ ପାଣିଗ୍ରାହ ଏବଂ ବଳରାମ ସେଠୀ ପ୍ରମୁଖ ଶିକ୍ଷକ, ଶିକ୍ଷୟିତ୍ରୀ ଓ କର୍ମଚାରୀ ଉପସ୍ଥିତ ରହି ଦୁଇ ଚମ୍ପିୟାନ ଛାତ୍ରୀଙ୍କ ଉତ୍ତରୋତ୍ତର ଉନ୍ନତି କାମନା କରିଥିଲେ ।
