ବାରିପଦା : ସ୍ଥାନୀୟ ତୁଳସୀଚୌରା ଦୁର୍ଗାପୂଜା ପଡିଆରେ ୯ମ ବାର୍ଷିକ ତୁଳସୀଚୌରା ପ୍ରିମିୟାର ଲିଗ – ଲୋଚନା ଦାସ ମେମୋରିଆଲ କ୍ରିକେଟ ଟୁର୍ଣ୍ଣାମେଣ୍ଟ ଉଦଘାଟିତ ହୋଇଯାଇଛି I ସ୍ବର୍ଗୀୟା ଲୋଚନା ଦାସଙ୍କ ସୁପୁତ୍ର ପୂର୍ଣ୍ଣଚନ୍ଦ୍ର ଦାସ ଓ ୧୪ ନଂ ୱାର୍ଡ କାଉନସିଲର ବିବେକାନନ୍ଦ ନାୟକ ମିଳିତ ଭାବେ ଏହି ଟୁର୍ଣ୍ଣାମେଣ୍ଟକୁ ଉଦଘାଟନ କରିଛନ୍ତି I ପ୍ରଥମ ମ୍ୟାଚରେ ଜଗନ୍ନାଥ ୱାରିୟାର୍ସ ଦଳ ଭି ରୋର ଦଳକୁ ୪ ଉଇକେଟରେ ପରାସ୍ତ କରିଥିଲା I ଭି ରୋର ପ୍ରଥମେ ବ୍ୟାଟିଂ କରି ୧୨ ଓଭରରେ ୫ ଉଇକେଟ ହରାଇ ୧୨୩ ରନ କରିଥିଲେ I ଉତ୍ତରରେ ଜଗନ୍ନାଥ ୱାରିୟାର୍ସ ୧୧ ଓଭରରେ ୬ ଉଇକେଟ ହରାଇ ୧୨୭ ରନ ବିଜୟ ଲକ୍ଷ୍ୟ ହାସଲ କରିଥିଲେ I ଦଳ ପକ୍ଷରୁ ପ୍ରୀତିଦେବ ଜେନା ସର୍ବାଧିକ ୫୯ ରନ ସଂଗ୍ରହ କରିଥିଲେ I
ଦ୍ଵିତୀୟ ମ୍ୟାଚରେ ଏମ କେ ସି ଦଳ ମା’ ଦୁର୍ଗା ସ୍ପୋର୍ଟିଂ କୁ ୭ ରନରେ ପରାସ୍ତ କରିଥିଲା I ପ୍ରଥମେ ବ୍ୟାଟିଂ କରି ଏମ କେ ସି ୧୦ ଓଭରରେ ୪ ଉଇକେଟ ହରାଇ ୧୪୭ ରନ ସଂଗ୍ରହ କରିଥିଲେ I ଦଳ ପକ୍ଷରୁ ମହମ୍ମଦ ସମର ସର୍ବାଧିକ ୭୬ ରନ ସଂଗ୍ରହ କରିଥିଲେ I ଉତ୍ତରରେ ମା’ ଦୁର୍ଗା ସ୍ପୋର୍ଟିଂ ୧୦ ଓଭରରେ ୮ ଉଇକେଟ ହରାଇ ୧୪୦ ରନ ସଂଗ୍ରହ କରିପାରିଥିଲେ I ଦଳ ପକ୍ଷରୁ ୟାସିମ ଆଲାମ ସର୍ବାଧିକ ୫୮ ରନ ସଂଗ୍ରହ କରିଥିଲେ I ଦେବାଶିଷ ଗୁପ୍ତା ଓ ଉତ୍ତମ ମହାକୁଡ଼ ଖେଳ ପରିଚାଳନା କରିଥିବାବେଳେ ସମ୍ବିତ ମହାରଣା ଓ ମନୀଷ ମହାନ୍ତି ସ୍କୋରିଙ୍ଗରେ ସହାୟତା କରିଥିଲେ I ପଙ୍କଜ ମହାକୁଡ଼ ଧାରା ବିବରଣୀ ଦେଇଥିଲେ I
