ବାରିପଦା: କୃଷକର ଉନ୍ନତି ହେଲେ ଦେଶର ଉନ୍ନତି ହେବ । ଯେଉଁ ଦେଶ କିମ୍ବା ରାଜ୍ୟ କୃଷିରେ ଯେତେ ଅଗ୍ରଗତି କରିଛି ସେହି ଦେଶର ଆର୍ଥିକ ପ୍ରଗତି ସେତେ ସୁଦୃଢ ହୋଇଛି । ରାଜ୍ୟ ସରକାର କୃଷିକାର୍ଯ୍ଯକୁ ତ୍ବରାନ୍ବିତ କରିବା ପାଇଁ କୃଷକମାନଙ୍କୁ ବିଭିନ୍ନ ପ୍ରତ୍ୟାହର ସାର,ବିହନ,ବିନା ସୁଧରେ କୃଷି ଋଣ,କାଳିଆ ଯୋଜନା,ଵଳିଆ ଯୋଜନା,କୃଷି ଯନ୍ତ୍ରପାତି ରିହାତି ମୂଲ୍ୟରେ ଦେବା,ଵୋରଓ୍ବେଲ ଖନନ,ମୋ ପୋଖରୀ, ପଶୁପାଳନ,ପନି ପାରିବା,ଚାଷ,ମାଣ୍ଡିଆ ଚାଷ,ଫୁଲ ଚାଷ,ଗୋପାଳନ ଚାଷ , ମତ୍ସ୍ୟ ଏବଂ ବହୁବିଧ ଯୋଜନା କରି ସହାୟତା ଯୋଗାଉଛନ୍ତି । ଏହାକୁ କୃଷକ ମଧ୍ୟରେ ଅଧିକ ସଚେତନତା ପାଇଁ ପ୍ରତ୍ୟେକ ଜିଲ୍ଲାର ଉପଖଣ୍ଡ ସ୍ତରରେ ପ୍ରଥମ ଥର ପାଇଁ କୃଷି ଯନ୍ତ୍ରପାତି ମେଳା ଆୟୋଜନ କରିଛନ୍ତି । ମହୁଲଡିହା ଖେଳ ପଡ଼ିଆରେ ଉପଖଣ୍ଡ ସ୍ତରୀୟ କୃଷି ମେଳା ୨୮ ତାରିଖରୁ ୩୦ ତାରିଖ ପର୍ଯ୍ୟନ୍ତ ଆୟୋଜନ କରାଯାଇଛି ।ଏହି ମେଳାରେ ମୁଖ୍ୟ ଅତିଥି ଭାବେ ରାଜ୍ୟ ମହିଳା ଓ ଶିଶୁ ବିକାଶ ମନ୍ତ୍ରୀ ଶ୍ରୀମତୀ ବାସନ୍ତୀ ହେମ୍ବ୍ରମ, ରାଇରଙ୍ଗପୁର ବିଧାୟକ ନବ ଚରଣ ମାଝୀ,ସାରସକଣା ବିଧାୟକ ଡାକ୍ତର ଵୁଢାନ ମୁର୍ମୁ,ମୟୂରଭଞ୍ଜ ସ୍ଵତନ୍ତ୍ର ଉନ୍ନୟନ ପରିଷଦ ଅଧ୍ୟକ୍ଷ ଡାକ୍ତର ଦେବାଶିଷ ମାରାଣ୍ଡି, ଜିଲ୍ଲା ପରିଷଦ ଅଧ୍ୟକ୍ଷା ଭାରତୀ ହାଁସଦା,କୃଷି ବିଭାଗର ସେଣ୍ଟ୍ରାଲ ଜୋନ ସୁପରିଣ୍ଟେଡେଣ୍ଟ ଇଞ୍ଜିନିୟର ଜଗବନ୍ଧୁ ରାଉତ, ଜିଲ୍ଲା କୃଷି କାର୍ଯ୍ୟ ନିର୍ବାହୀ ଅଧିକାରୀ ଶ୍ରୀନିବାସ ପୃଷ୍ଟି,,ଜିଲ୍ଲା ମୁଖ୍ୟ କୃଷି ଅଧିକାରୀ ତରୁଣ କୁମାର ଛୋଟରାୟ,, ରାଇରଙ୍ଗପୁର ବ୍ଳକ ଅଧ୍ୟକ୍ଷ ଜ୍ଞାନ ରଂଜନ ହେମ୍ବ୍ରମ,ତିରିଂ ବ୍ଳକ ଅଧ୍ୟକ୍ଷ ପରମେଶ୍ଵର ସାମାଡ, ରାଇରଙ୍ଗପୁର ୪୫ ନମ୍ବର ଜିଲ୍ଲା ପରିଷଦ ସଦସ୍ୟ ସଚିଦାନନ୍ଦ ମହାନ୍ତ, ରାଇରଙ୍ଗପୁର କୃଷି ଜିଲ୍ଲା ଅଧିକାରୀ କିଶାନ ମୁର୍ମୁ,ସମସ୍ତ ବ୍ଳକ କୃଷି ଅଧିକାରୀ ପ୍ରମୁଖ ଯୋଗ ଦେଇ ଜଗନ୍ନାଥଙ୍କ ପାଖରେ ପ୍ରଦୀପ ପ୍ରଜ୍ବଳନ କରି ମେଳାର ଶୁଭ ଉଦ୍ଘାଟନ କରିଥିଲେ । ଅତିଥି ଗଣ ରାଜ୍ୟ ସରକାର ଓ କେନ୍ଦ୍ର ସରକାର କୃଷକ ସଶକ୍ତିକରଣ ବହୁବିଧ ଯୋଜନାକୁ ପ୍ରଶଂସା କରିଥିଲେ ।
ଆଜିକାଲି ଏକକ ପରିବାର ଯୋଗୁଁ ଚାଷୀମାନେ ତଥା ଯୁବଗୋଷ୍ଠୀ ଚାଷ ପ୍ରତି ଆଗ୍ରହ ଵଳାଉ ନାହାନ୍ତି ।ତେଣୁ ଯୁଗ ସହିତ ତାଳ ଦେଇ ଚାଷୀମାନେ ଅଧିକରୁ ଅଧିକ ବୈଷୟିକ ଜ୍ଞାନ ଆହୋରଣ ଏବଂ ଯନ୍ତ୍ରପାତି ବ୍ୟବହାରକୁ ଗୁରୁତ୍ବ ଦେଇ ଆଗେଇବା ଉଚିତ ।ଚାଷରେ ବର୍ତମାନ ହଳ ଓ ଅମଳ ପାଇଁ ୮୦ ଭାଗ ଯନ୍ତ୍ରପାତି ଟ୍ରାକ୍ଟର,ପାଓ୍ବାରଟିଲର ଏବଂ ଅନ୍ୟାନ୍ୟ ଯନ୍ତ୍ରପାତି ବ୍ୟବହାର କରୁଛନ୍ତି । ସେଥିପାଇଁ ସରକାର ଚାଷୀଙ୍କୁ ଯନ୍ତ୍ରପାତି ଉପରେ ସାଧାରଣ ବର୍ଗଙ୍କ ପାଇଁ ଶତକଡା ୪୦,ମହିଳା, ଅନୁସୂଚିତ ଜାତି ଓ ଜନଜାତି ପାଇଁ ଶତକଡା ୫୦ ଏବଂ ସ୍ବୟଂ ସହାୟିକା ଗୋଷ୍ଠୀ ପାଇଁ ଶତକଡା ୭୫ ଭାଗ ରିହାତି ଘୋଷଣା କରିଛନ୍ତି । ତେଣୁ ଚାଷୀମାନେ ଏହାର ସୁଯୋଗ ନେବା ସହ ନିଜକୁ କିଭଳି ଜଣେ ସଫଳ କୃଷକ ହୋଇ ପାରିବ ସେଥିପାଇଁ କୃଷି ବୈଜ୍ଞାନିକ, ବିଭିନ୍ନ ବିଭାଗର ଅଧିକାରୀମାନଙ୍କ ସହ ପରାମର୍ଶ ନେବା ପାଇଁ କହିଥିଲେ ।ଏଥିରେ ୭ ଟି ବ୍ଳକର କୃଷକ ଓ ସ୍ବୟଂ ସହାୟିକା ଗୋଷ୍ଠୀର ସଦସ୍ୟମାନେ ଯୋଗ ଦେଇଥିଲେ । ମେଳାର ବିଭିନ୍ନ କୃଷି ଯନ୍ତ୍ରପାତି ର ଷ୍ଟଲ ଲାଗିଥିଲା ।କୃଷକ ଭାଇମାନେ ନାମ ପଂଜୀକରଣ କରିବା ସହ ବିଭିନ୍ନ ଷ୍ଟଲ ପରିଦର୍ଶନ କରିଥିଲେ ।ମେଳା ପରିଦର୍ଶନ କରି ଚାଷୀମାନେ ଆନଦିତ ହେବା ସହ ସଚେତନ ହୋଇଥିଲେ ।
