ଆଗରପଡ଼ା:ବନ୍ତ ବ୍ଲକ ଆଗରପଡ଼ା ସ୍ଥିତ ଶ୍ରୀଅରବିନ୍ଦ ସାଧନାପୀଠ ଟ୍ରଷ୍ଟ ପରିସରରେ ମହେଶ୍ୱରୀ ମହାମାୟା ଶ୍ରୀଶ୍ରୀ ଦୁର୍ଗାଦେବୀଙ୍କ ମହାଷ୍ଟମୀ ପୂଜା ପାଳିତ ହୋଇଯାଇଛି । ଟ୍ରଷ୍ଟ ଆନୁକୁଲ୍ୟରେ ମହାସପ୍ତମୀ ଠାରୁ ଦଶମୀ ପର୍ଯ୍ୟନ୍ତ ଚାରିଦିନ ବ୍ୟାପି ଏହି ଶକ୍ତିଙ୍କର ଆବାହନ କାର୍ଯ୍ୟକ୍ରମ ଚାଲିଥିଲା । ମା’ ଯୋଗମାୟାଙ୍କର ଆବାହନ ମନ୍ତ୍ର ସହିତ ଟ୍ରଷ୍ଟ ପରିସରରେ ଏକ ଆଲୋଚନା ଚକ୍ର ଅନୁଷ୍ଠିତ ହୋଇଥିଲା ।
ଶ୍ରୀଅରବିନ୍ଦଙ୍କ’ମା’ପୁସ୍ତକର ଷଷ୍ଠ ଅଧ୍ୟାୟ ପଠନ ଓ ଆଲୋଚନା ଚକ୍ରରେ ପ୍ରତିଭା ରାୟ,କୃଷ୍ଣ ସାର୍,ତୃପ୍ତି ଅପା,ବିଜ୍ଞାନ ମହାନ୍ତି,ଉମାକାନ୍ତ ଘଡ଼େଇ,ରବିନ୍ଦ୍ର ବେହେରା,ଅନନ୍ୟା ପଣ୍ଡା,ଅନୁ ଅପା ପ୍ରମୁଖ ଯୋଗ ଦେଇଥିଲେ । ମେନେଜିଂ ଟ୍ରଷ୍ଟି ଅରୁଣ ପଣ୍ଡା କାର୍ଯ୍ୟକ୍ରମକୁ ସୂଚାରୁରୂପେ ପରିଚାଳନା କରିଥିଲେ । ସର୍ବଶେଷରେ ନିରବ ଧ୍ୟାନ ଓ ପ୍ରସାଦ ସେବନ ସହ କାର୍ଯ୍ୟକ୍ରମ ସମାପ୍ତ ହୋଇଥିଲା ।
