ଭୁବନେଶ୍ୱର: ଡେଙ୍ଗୁ ରୋଗୀଙ୍କ ସଂଖ୍ୟା ବୃଦ୍ଧିକୁ ଦୃଷ୍ଟିରେ ରଖି ଭୁବନେଶ୍ୱର କ୍ୟାପିଟାଲ ହସ୍ପିଟାଲରେ ସ୍ୱତନ୍ତ୍ର ଡେଙ୍ଗୁ ଟେଷ୍ଟିଂ କାଉଣ୍ଟର ଖୋଲାଯାଇଛି। ସେହିପରି ସୋମବାରଠାରୁ ପଟିଆ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଓ ଆଇଆରସି ଭିଲେଜ ସହରାଞ୍ଚଳ ହସ୍ପିଟାଲରେ ଆଉ ଦୁଇଟି ଟେଷ୍ଟିଂ ସେଣ୍ଟର ଆରମ୍ଭ ହେବ।
କ୍ୟାପିଟାଲ ହସ୍ପିଟାଲରେ ଭିଡ଼ କମାଇବା ପାଇଁ ବିଏମସି ହସ୍ପିଟାଲ, ୟୁନିଟ୍-୪ ହସ୍ପିଟାଲ, ପଟିଆ ସହରାଞ୍ଚଳ ସିଏଚସି ଓ ଡୁମୁଡୁମା ସହରାଞ୍ଚଳ ସିଏଚସିରେ ଡେଙ୍ଗୁ ରୋଗୀଙ୍କ ପାଇଁ ଅତିରିକ୍ତ ୧୦ଟି ବେଡର ବ୍ୟବସ୍ଥା କରାଯାଇଛି। ଆଖପାଖ ଲୋକେ ଏହି ଡାକ୍ତରଖାନାକୁ ଯିବା ଦରକାର। ସବୁଠାରୁ ଖରାପ ପରିସ୍ଥିତିରେ ସେମାନେ କ୍ୟାପିଟାଲ ହସ୍ପିଟାଲକୁ ଆସିପାରିବେ ବୋଲି ସେ କହିଛନ୍ତି।
ରାଜ୍ୟରେ ପ୍ରତିଦିନ ୧୨୦ରୁ ୧୩୦ ଜଣ ଡେଙ୍ଗୁ ରୋଗୀ ଚିହ୍ନଟ ହେଉଛନ୍ତି। ସେହିପରି ଭୁବନେଶ୍ୱରରେ ଦୈନିକ ୬୦ରୁ ୭୦ ନୂଆ ଆକ୍ରାନ୍ତ ଚିହ୍ନଟ ହେଉଛନ୍ତି ବୋଲି କହିଛନ୍ତି।
ଅଗଷ୍ଟ ୨୫ ସୁଦ୍ଧା ୨ ହଜାର ୯୪୩ ଜଣ ରୋଗୀ ଡେଙ୍ଗୁ ପଜିଟିଭ୍ ଚିହ୍ନଟ ହୋଇଛନ୍ତି। ସେଥିମଧ୍ୟରୁ ଖୋର୍ଦ୍ଧା ଜିଲ୍ଲାରେ ସର୍ବାଧିକ ୧୩୬୯ ଜଣ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ପୁରୀରେ ୩୦୮, ବାଲେଶ୍ୱରରେ ୨୭୬, କଟକରେ ୨୦୮, ଜଗତସିଂହପୁରରେ ୧୬୯ ଓ ନୟାଗଡ଼ରେ ୧୦୩ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି।
