କଟକ: ପୁଅ ଆଗରେ ବାପାଙ୍କୁ ହତ୍ୟା । ବୀଭତ୍ସ ଭାବେ ପିଟି ପିଟି ମାରିଦେଲେ ଦୁର୍ବୃତ୍ତ । ମୃତକ କେନ୍ଦ୍ରାପଡା ପାଟଳିପଙ୍କ ଅଞ୍ଚଳର ତୋଫାନ ସାମଲ। ତୋଫାନ କଟକ ତ୍ରିଶୁଳିଆରେ ଏକ ଆପାର୍ଟମେଣ୍ଟରେ ଶ୍ରମିକ ଭାବେ କାମ କରୁଥିଲେ ।
ଗତକାଲି ରାତିରେ ୨୦ରୁ ଅଧିକ ଲୋକ ଆସି ତୋଫାନଙ୍କୁ ଆକ୍ରମଣ କରିଥିଲେ । ୧୫ ବର୍ଷର ପୁଅ ପ୍ରତିବାଦ କରିଥିଲେ ମଧ୍ୟ ସଂଘବଦ୍ଧ ହୋଇ ତୋଫାନଙ୍କୁ ଇଟା ଓ ପଥରରେ ଆକ୍ରମଣ କରିଥିଲେ। ଗୁରୁତର ଅବସ୍ଥାରେ ତାଙ୍କୁ କଟକ ବଡ଼ ମେଡିକାଲରେ ଭର୍ତ୍ତି କରାଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଆକ୍ରମଣର କାରଣ ଅସ୍ପଷ୍ଟ ଥିବାବେଳେ ପରିବାରଲୋକ ବାରଙ୍ଗ ଥାନାରେ ଅଭିଯୋଗ କରିଛନ୍ତି। ପୋଲିସ ଘଟଣାର ତଦନ୍ତ କରୁଛି। ତୋଫାନ ଦୀର୍ଘ ଦୁଇ ବର୍ଷରୁ ଉର୍ଦ୍ଧ୍ବ ସମୟ ଧରି ଏଠାରେ ଓଲ୍ଡିଙ୍ଗ ମିସ୍ତ୍ରୀ ଭାବେ କାର୍ଯ୍ୟ କରୁଥିଲେ ।
ସେହିପରି ଭୁବନେଶ୍ବର ଏୟାରଫିଲ୍ଡ ଥାନା ଅନ୍ତର୍ଗତ ବୀରବନ୍ଧ ଗାଁରେ ହତ୍ୟାକାଣ୍ଡ ଘଟିଛି । ଗତକାଲି ରାତିରେ ହତ୍ୟା କରାଯାଇଥିବା ପୋଲିସ ସନ୍ଦେହ କରୁଛି । ମୃତକ ହେଲେ ବାଉରୀବନ୍ଧୁ ବେହେରା । ମୃତକଙ୍କ ମୁଣ୍ଡକୁ କାଠ ଫାଳିଆରେ ଆକ୍ରମଣ କରାଯାଇଛି । ହତ୍ୟାକାଣ୍ଡର ବହୁ ସମୟ ପର୍ଯ୍ୟନ୍ତ ଗାଁ ଦାଣ୍ଡରେ ମୃତଦେହ ପଡ଼ି ରହିଥିଲା । ଘଟଣାସ୍ଥଳରେ ଏୟାରଫିଲ୍ଡ ଥାନା ପୋଲିସ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି ।
