ବାରିପଦା: ମୟୂରଭଞ୍ଜ ଜିଲ୍ଲାର ସିମାନ୍ତ ତିରିଂ ଥାନା ଅନ୍ତର୍ଗତ ଧୋବାଧୋବଣୀ ଗ୍ରାମର ଜନୈକ ଯୁବକର ସନ୍ଦେହ ଜନକ ମୃତ୍ୟୁ ହୋଇଥିବା ଅଭିଯୋଗ ହୋଇଛି । ସୂଚନାଯୋଗ୍ୟ ଧୋବାଧୋବଣୀ ଗ୍ରାମର ମାଞ୍ଜୁର ଶୁଙ୍ଘି (୨୫) ସୋମବାର ଦିନ ପୂର୍ବାହ୍ନ ୯ ଘଟିକାରେ କୌଣସି କାମରେ ଘରକୁ ଯାଇଥିଲେ ।ପରେ ଅପରାହ୍ନ ୩ ଟା ବେଳେ ଘରକୁ ପୁନଃ ଫେରିଥିଲେ । ପରେ ପୁଣି ବୁଲିବାକୁ ଯାଇ ଟେଣ୍ଟ ମାଲିକଙ୍କ ଘରୁ ଫେରୁଥିବା ସମୟରେ ରାସ୍ତାରେ ପଡ଼ିଥିଲେ ।କେହି ମାଞ୍ଜୁର କୁ ଦେଖି ଘର ଲୋକଙ୍କୁ ଏବଂ ତିରିଂ ଥାନାକୁ ଖବର ଦେଇଥିଲେ । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରିଥିଲା ।ପରେ ଆଜି ବାରିପଦାରୁ ସାଇଣ୍ଟିଫିକ ଟିମ୍ ଯାଇ ତଦନ୍ତ କରି ଫେରିଛନ୍ତି । ପୋଲିସ ଏକ ମାମଲା କେଶ ନମ୍ବର୧୭୮/୨୪ ରୁଜୁ କରି ଶବଟିକୁ ବ୍ୟବଚ୍ଛେଦ ପାଇଁ ହସପିଟାଲକୁ ପଠାଇଥିଲେ । ରାଇରଙ୍ଗପୁର ଅତିରିକ୍ତ ଜିଲ୍ଲା ଆରକ୍ଷୀ ଅଧିକ୍ଷକ ଶ୍ରୀ ନାରାୟଣ ନାୟକ ,ଏସଡିପିଓ ଶ୍ରୀ ଗୋକୁଳାନନ୍ଦ ସାହୁ,ତିରିଂ ଥାନାଧିକାରୀ ପ୍ରମୁଖ ତଦନ୍ତ ଜାରିରଖିଛନ୍ତ ।
