ବାରିପଦା : ଓ ସି ଏ ଆନ୍ତଃ ଜିଲ୍ଲା ମହିଳା କ୍ରିକେଟ ଟି – ୨୦ ଟୁର୍ଣ୍ଣାମେଣ୍ଟ ଚଳିତ ମାସ ୨୨ ତାରିଖ ଠାରୁ କଟକରେ ଆରମ୍ଭ ହେବାକୁ ଯାଉଅଛି I ଏହି ଅବସରରେ ମୟୁରଭଞ୍ଜ ଜିଲ୍ଲା ଦଳ ଘୋଷିତ ହୋଇଯାଇଛି I ଦଳରେ ସଂଜିତା ଦାସ (ଅଧିନାୟକ), ସୁନିଧି କାଶ୍ୟପ ଜେନା (ଉପ – ଅଧିନାୟକ), ସମେତ ରୀତିକା ପଣ୍ଡା, ରଶ୍ମିରେଖା ନାଏକ, ଶୁଭଶ୍ରୀ ନାଥ, ପଦ୍ମାବତୀ ସିଂ, ଜ୍ୟୋତିରେଖା ସିଂ, ସ୍ୱପ୍ନାମୟୀ ନିଶିଗନ୍ଧା କର, ଲକ୍ଷ୍ମୀପ୍ରିୟା ମହାନ୍ତ, ମାନସୀ ମହାନ୍ତ, ସନିଆ ରାଜ, ପଦ୍ମା ମିର୍ଦ୍ଧା, ପ୍ରୀତିଶ୍ରୀ ଦାସ, ଫରହୀନ କାଦ୍ରୀ ଓ ମାମାଲି ସୋରେନ ପ୍ରମୁଖ ଖେଳାଳି ସାମିଲ ଅଛନ୍ତି I ମ୍ୟାନେଜର ଓ କୋଚ ଭାବେ ସାଇବା ସିଂ ଦଳ ସହ ଆସନ୍ତା କାଲି କଟକ ଗସ୍ତ କରିବେ ବୋଲି ଗଣମାଧ୍ୟମ ସଂଯୋଜକ ସୋମନାଥ ସିଂହ ଜଣାଇଛନ୍ତି I ଆଜି ଅପରାହ୍ନରେ ଜିଲ୍ଲାପାଳ ତଥା ମୟୁରଭଞ୍ଜ ଏଥଲେଟିକ ଏସୋସିଏସନର ସଭାପତି ଦତ୍ତାତ୍ରେୟ ଭାଉସାହେବ ଶିନ୍ଦେ ଖେଳାଳି ମାନଙ୍କୁ ଉତ୍ସାହିତ କରିବା ସହ ଦଳର ସଫଳତା କାମନା କରିଥିଲେ I ଅନ୍ୟ ମାନଙ୍କ ମଧ୍ୟରେ ସାଧାରଣ ସମ୍ପାଦକ ବିଜୟ କୁମାର ଦାସ, କ୍ରିକେଟ ସମ୍ପାଦକ ହରପ୍ରସାଦ ପାତ୍ର, ଫୁଟବଲ ସମ୍ପାଦକ ଅମର କୁମାର ସେଠି ଉପସ୍ଥିତ ଥିଲେ I ମୟୁରଭଞ୍ଜ ତାର ପ୍ରଥମ ମ୍ୟାଚ ୨୨ ତାରିଖ ଦିନ ଜଗତସିଂହପୁର ସହିତ ଖେଳିବ I
