ଭୁବନେଶ୍ୱର : ଆଗକୁ ନିର୍ବାଚନ । ପୋଲିସ ଉପରେ କାର୍ଯ୍ୟଚାପ ପଡ଼ିବ । ଏହା ପୂର୍ବରୁ ମାମଲାର ତଦନ୍ତ ଶେଷ କରିବାକୁ ସବୁ ଜିଲ୍ଳାର ଏସପି, ଡିସିପିଙ୍କୁ ନିର୍ଦ୍ଦେଶ ଦେଇଛନ୍ତି ଡିଜିପି ଅରୁଣ ଷଡଙ୍ଗୀ । ଏଥିସହ ସବୁ ଥାନା ଅଧିକାରୀଙ୍କୁ ଡାକି ଏ ନେଇ ଆଲୋଚନା କରିବାକୁ ପରାମର୍ଶ ଦେଇଛନ୍ତି ।
ନିର୍ବାଚନ ବେଳେ ଆଇନଶୃଙ୍ଖଳା ବଜାୟ ରଖିବା ଓ ଅପରାଧୀଙ୍କୁ ସାବାଡ କରିବାକୁ ମଧ୍ୟ ସେ ଏସପିମାନଙ୍କୁ ନିର୍ଦ୍ଦେଶ ଦେଇଛନ୍ତି । ଅନେକ ସମୟରେ ପୋଲିସ କୋର୍ଟରେ ସଠିକ ସମୟରେ ସିଡି, ଚାର୍ଜସିଟ ଦାଖଲ କରୁ ନଥିବାରୁ ଅଭିଯୁକ୍ତ ନିର୍ଦ୍ଦୋଶରେ ଖଲାସ ହେଉଛନ୍ତି।
ତେଣୁ ନିଦ୍ଧାରିକ ସମୟରେ ତଦନ୍ତ ସାରି ଚାର୍ଜସିଟ ଦାଖଲ କରିବାକୁ ଡିଜିପି ନିର୍ଦ୍ଦେଶ ଦେଇଛନ୍ତି । ନ୍ୟାସନାଲ କ୍ରାଇମ ରେକର୍ଡ ବ୍ୟୁରୋ NCRB ତଥ୍ୟ ଅନୁସାରେ ବିଭିନ୍ନ ମାମଲାରେ ୨୦୨୧ ମସିହାରେ ୫୯ ହଜାର ୨୨୯ ଜଣ ଗିରଫ ହୋଇଥିଲେ । ୬୮୫ ଜଣ ଅଭିଯୁକ୍ତ କୋର୍ଟରେ ଦଣ୍ଡିତ ହୋଇଛନ୍ତି ।
