ଏହା ସହ ପୋଲିସ କମ୍ବିଂ ଅପେରସନ ରେ ପାର୍ଟି କ୍ୟାଡରକୁ ଗିରଫ କରିବା, ନିର୍ଦୋଷ ଗ୍ରାମବାସୀ ଙ୍କୁ ଧରି ନିର୍ଯାତନା ଦେବା ଓ ମହିଳାଙ୍କ ଉପରେ ବଳତ୍କାର କରିବା ବନ୍ଦ କରିବାକୁ ପୋଷ୍ଟର ଜରିଆରେ ଦାବି ରଖିଛି ଲାଲବାହିନୀ । ମାଓବାଦୀ କ୍ୟାଡରଙ୍କୁ ଗିରଫ କରି ଜୋର ଜବରଦସ୍ତ ସରେଣ୍ଡରକୁ ପୋଲିସ ବନ୍ଦ କରିବାକୁ ଚେତାବନୀ ଦେଇଛି । ଫେବୃଆରୀ ୩ ତାରିଖରେ ବାଲିଗୁଡା ଥାନା କକେରକୁପା ଜଙ୍ଗଲରୁ ଏକ ମାଓବାଦୀଙ୍କ ମୃତଦେହ ଉଦ୍ଧାର କରି ମାଓ ନେତା ଦଶରୁ ନିହତ ହୋଇଥିବା କନ୍ଧମାଳ ପୋଲିସ ସୂଚନା ଦେଇଥିଲା । ତେବେ ମାଓବାଦୀ ପୋଷ୍ଟର ଜରିଆରେ ପୋଲିସ କଣ୍ଟ୍ରୋଲ ରୁମରେ ଦଶରୁକୁ ରଖି ନିର୍ଯାତନା ଦିଆଯାଉଥିବା ଲାଲବାହିନୀ ଦାବି କରିଛି ।
