ରିପୋର୍ଟ ଅନୁଯାୟୀ, ଉତ୍ତର କୋରିଆର ଏକଛତ୍ରବାଦୀ ଶାସକ କିମ୍ ଜଙ୍ଗ ଉନ୍ ତାଙ୍କର ସାମରିକ ଗୁପ୍ତଚର ଉପଗ୍ରହର ସଫଳତାକୁ ନେଇ ବହୁତ ଖୁସି ଅଛନ୍ତି। ସରକାରୀ ଗଣମାଧ୍ୟମ କହିଛି ଯେ କିମ୍ ଜଙ୍ଗ ଉନ ପୂର୍ବ ଫଟୋ ସହିତ ମହାକାଶରୁ ପଠାଯାଇଥିବା ସର୍ବଶେଷ ଫଟୋ ଦେଖିଛନ୍ତି। କିମ୍ ଦାବି କରିଛନ୍ତି ଯେ ଆମେରିକାର ସାମରିକ ଘାଟି ବର୍ତ୍ତମାନ ତାଙ୍କ ଉପଗ୍ରହ ନଜରରେ ଅଛି। ରିପୋର୍ଟ ଅନୁଯାୟୀ, ଉତ୍ତର କୋରିଆ ସାମରିକ ଗୁପ୍ତଚର ଉପଗ୍ରହ ଆମେରିକା ଏବଂ ଦକ୍ଷିଣ କୋରିଆର ସୈନ୍ୟ ଶିବିରମାନଙ୍କର ଫଟୋ ପଠାଇଛି।
ଉତ୍ତର କୋରିଆ କହିଛି ଯେ ଉପଗ୍ରହ ଆନୁଷ୍ଠାନିକ ଭାବେ ଏହାର ଅନୁସନ୍ଧାନ ମିସନ ଡିସେମ୍ବର ୧ରେ ଆରମ୍ଭ କରିବ। କିଛି ଏଜେନ୍ସି ଦାବି କରିଛନ୍ତି ଯେ ଉତ୍ତର କୋରିଆ ଗୁପ୍ତଚର ଉପଗ୍ରହ ମାଧ୍ୟମରେ ଆମେରିକାର ଯୁଦ୍ଧ ଜାହାଜ ୟୁଏସ୍ଏସ୍ କାର୍ଲ ଭିନ୍ସନର ଫଟୋ ମଧ୍ୟ କଏଦ କରିଛି, ଯାହାକି ନଭେମ୍ବର ୨୧ରେ ଗୁଆମର ଆକାଶରୁ ନିଆଯାଇଥିଲା |
