ଏହି ଘଟଣା ଘଟିଥିଲା ଆଠଗଡ ଥାନା ଅନ୍ତର୍ଗତ ଅଶୋକ ନଗର ଅଞ୍ଚଳରେ । ବାଙ୍କି ଥାନା ପାର୍ଥପୁର ଅଞ୍ଚଳର ସୁନୀଲ ନନ୍ଦ ୨ୟ ବିବାହ କରିଥିଲେ । ସେ ପ୍ରଥମ ପତ୍ନୀଙ୍କୁ ଛାଡି ଦେଇଥିବାବେଳେ ତାଙ୍କଠାରୁ ୨ ପୁଅ ଝିଅଙ୍କୁ ଜବରଦସ୍ତ ନେଇ ଆସିଥିଲେ । ୨ ପିଲା ଓ ପତ୍ନୀଙ୍କ ସହ ସୁନିଲ ଆଠଗଡ ଅଶୋକ ନଗରରେ ରହୁଥିଲେ ।
ହେଲେ ସାବତ ମା ’ ଦୁଇ ପିଲାଙ୍କୁ ସବୁବେଳେ ଶାରୀରିକ ଓ ମାନସିକ ନିର୍ଯାତନା ଦେଉଥିଲେ । ହେଲେ ଗତ ୨ ଦିନ ତଳେ ନିଷ୍ଠୁରତାର ସବୁ ସୀମା ଟପି ଯାଇଥିଲା । ୧୩ ବର୍ଷର ପୁଅ ଓ ୧୦ ବର୍ଷର ଝିଅକୁ ନିସ୍ତୁକ ପିଟିଥିଲେ । ଲହୁ ଲୁହାଣ କରି ଦେଇଥିଲେ ।
ଶେଷରେ ପୁଅ-ଝିଅ ଦୁହେଁ ଘର ଛାଡି ପଳାଇ ଆସିଥିଲେ । ଦେହ ସାରା ମାଡର ଦାଗ । କେଉଁଠି ରକ୍ତ ଲାଗିଛି ତ କେଉଁଠି କଳା ପଡି ଫୁଲି ଯାଇଛି । ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଥିଲେ । ପରେ ଉଭୟଙ୍କୁ କଟକ ସ୍ଥାନାନ୍ତର କରାଯାଇଛି ।
