ମଙ୍ଗଳବାର ରାତିରେ ସ୍ଥାନୀୟ କମଳାମାଲ, ଭୀମାପଦର ଏବଂ ଭଇଁଷାଦରହ ଗାଁର କିଛି ବ୍ୟକ୍ତି ଦଶହରା ଦେଖିବାକୁ ବାଇକରେ ଯାଇଥିଲେ । ହଶହରା ପୂଜା ଦେଖିବା ପରେ ବିଳମ୍ବିତ ରାତି ଯାଏ ସାଂସ୍କୃତିକ କାର୍ଯ୍ୟକ୍ରମ ଦେଖିଥିଲେ । ପରେ ଘରକୁ ଫେରିଥିଲେ । ସିନାପାଲି ଆଡୁ ଗୋଟିଏ ବାଇକରେ ୪ ଜଣ ଆସୁଥିବାବେଳେ ଅନ୍ୟଏକ ବାଇକରେ ୩ ଜଣ ବୋଡେନରୁ ସିନାପାଲି ଯାଉଥିଲେ । ରାଜପୁର ଗାଁ ନିକଟରେ ଦୁଇ ବାଇକ ମୁହାଁମୁହିଁ ଧକ୍କା ହୋଇଥିଲା ।
ବିଜୁ ଏକ୍ସପ୍ରେସ ୱେରେ ଛିଟିକି ପଡିଥିଲା ଗାଡି । ରାସ୍ତା ଉପରେ ପଡିଥିଲେ ବାଇକ ଆରୋହୀ । ଘଟଣାସ୍ଥଳରେ ୪ ଜଣଙ୍କର ମୃତ୍ୟୁ ଘଟିଥିଲା । ୩ ଜଣଙ୍କର ଅବସ୍ଥା ଗୁରୁତର ଥିଲା । ଆହତ ବ୍ୟକ୍ତିଙ୍କୁ ପ୍ରାଥମିକ ଚିକିତ୍ସା ପରେ ଅନ୍ୟ ଡାକ୍ତରଖାନାକୁ ରେଫର କରାଯାଇଛି ।
