ନବରଙ୍ଗପୁର: ବିନା ଆଲୋଚନା ରେ ସରକାର ଙ୍କ ଦ୍ଵାରା ଲକ୍ଷ୍ମୀ ଯୋଜନା କାର୍ଯ୍ୟକାରିତା ପ୍ରତିବାଦରେ ନବରଙ୍ଗପୁର ଜିଲ୍ଲା ଘରୋଇ ବସ ମାଲିକ ସଂଘ ପକ୍ଷରୁ ୨୪ ଘଣ୍ଟିଆ ଘରୋଇ ବସ ଚଳାଚଳ ବନ୍ଦ କରାଯାଇଛି । ଆଜି ଜିଲ୍ଲାରେ ୧୨୦ ଟି ବସ ଚଳାଚଳ ବନ୍ଦ ରହିଛି। ଆଜି ସକାଳ ୬ଟାରୁ ଆସନ୍ତାକାଲି ସନ୍ଧ୍ୟା ୬ଟା ପର୍ଯ୍ୟନ୍ତ ବସ ଚଳାଚଳ ବନ୍ଦ କରାଯାଇଛି । ସରକାର ଘରୋଇ ବସ ମାଲିକ ସଂଘ ସହିତ ବିନା ଆଲୋଚନା ରେ ଏକ ପାଖିଆ ନିଷ୍ପତି ନେଇ ଯୋଜନା କାର୍ଯ୍ୟକାରୀ କରିଥିବାରୁ ତାହାକୁ ସଂଘ ଦୃଢ଼ ବିରୋଧ କରିଛି ।
ପୂର୍ବରୁ ପ୍ରତିକୂଳ ପରିସ୍ଥିତି ସତ୍ତ୍ୱେ ଘରୋଇ ବସ ଗୁଡିକ ଉପାନ୍ତ ଅଞ୍ଚଳ କୁ ଯାଉଥିଲା । କିନ୍ତୁ ବର୍ତ୍ତମାନ ରାସ୍ତା ଘାଟ ରେ ଉନ୍ନତି ଘଟିଥିବା ବେଳେ କିନ୍ତୁ ସରକାର ବିନା ଆଲୋଚନା ରେ ଯୋଜନାରେ ଗାଡି ଚଳାଚଳ କରିବା ନିଷ୍ପତି କୁ ବିରୋଧ କରିଛି ସଂଘ । ଘରୋଇ ବସ ଚଳାଚଳ ବନ୍ଦ ରହିଥିବାରୁ ଦୂରଦୂରାନ୍ତରୁ ଆସିଥିବା ଯାତ୍ରୀ ମାନେ ବହୁ ଅସୁବିଧାର ସମ୍ମୁଖୀନ ହେଉଥିବା ଦେଖିବାକୁ ମିଳିଛି ।
