ଫକୀର ମୋହନ ମେଡିକାଲ କଲେଜ୍ ଏବଂ ହସ୍ପିଟାଲ ନିକଟରେ ନବଜାତ ଶିଶୁକୁ ଫିଙ୍ଗି ଦେଇଥିଲେ ଜଣେ ମହିଳା । ନବଜାତ ଶିଶୁ ପୁତ୍ରକୁ ଦେଖି ଉଦ୍ଧାର କରି ମେଡିକାଲରେ ଭର୍ତ୍ତି କରିଛନ୍ତି ସ୍ଥାନୀୟ ଲୋକମାନେ । ଶିଶୁଟିର ଅବସ୍ଥା ଏବେ ସ୍ଥିର ଥିବାବେଳେ ତାକୁ ଏସଏନସି ୟୁ ରେ ଭର୍ତ୍ତି କରାଯାଇଛି । ତେବେ ନବ ଜାତକର ମା’ ହସ୍ପିଟାଲରେ ଭର୍ତ୍ତି ହୋଇନଥିବା ବେଳେ କିଏ ଶିଶୁ ପୁତ୍ର ଫିଙ୍ଗିଛି ସେନେଇ ତଦନ୍ତ ଆରମ୍ଭ ହୋଇଛି ।
ସୂଚନାଯୋଗ୍ୟ, ଅଧିକାଂଶ ସମୟରେ ଶିଶୁ କନ୍ୟା ଅଲୋଡା ହୋଇଥିବା ଦେଖାଯାଏ । କିଏ ଝିଅ ହେବା ଫଳରେ ରାସ୍ତାରେ ଛାଡି ପଳାଉଛନ୍ତି ତ ଆଉ କିଏ ଅଳିଆ ଗଦାରେ ଫୋପାଡୁଥିବାର ନଜିର ରହିଛି । କିନ୍ତୁ ଶିଶୁପୁତ୍ରକୁ ଅଲୋଡା ଭାବରେ ଫୋପାଡି ଦିଆଯାଇଥିବାକୁ ନେଇ ଉଠିଛି ପ୍ରଶ୍ନବାଚୀ ।
