ଅଯୋଧ୍ୟାରେ ରାମ ମନ୍ଦିର ଉଦ୍ଘାଟିତ ହେବା ନେଇ ତାରିଖ ଘୋଷଣା ହୋଇଛି । ଅଯୋଧ୍ୟାରେ ଚାଲିଥିବା ବୈଠକରେ ରାମ ଲାଲାଙ୍କୁ ୨୨ ଜାନୁଆରୀ ୨୦୨୪ ରେ ଗର୍ଭଗୃହରେ ବିରାଜମାନ କରାଇବାକୁ ନିଷ୍ପତ୍ତି ନିଆଯାଇଛି । ଏହି କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ମୋଦି ମଧ୍ୟ ଅଂଶଗ୍ରହଣ କରିବେ । ପ୍ରଧାନମନ୍ତ୍ରୀ ମୋଦି ଏହାର ଉଦଘାଟନ କରିବେ । ପ୍ରାଣ ପ୍ରତିଷ୍ଠା ହେବାର ଗୋଟେ ସପ୍ତାହ ପୂର୍ବରୁ ପୂଜା ଆରମ୍ଭ ହେବ ।
ତେବେ ରାମ ମନ୍ଦିର ଉଦ୍ଘାଟନ ନେଇ ପ୍ରଭୁ ଶ୍ରୀରାମଙ୍କ ଭକ୍ତ ଅପେକ୍ଷା କରି ରହିଛନ୍ତି । ତେଣୁ ଅଧିକ ସଂଖ୍ୟାରେ ଲୋକ ଆସି ଯୋଗ ଦେଇପାରନ୍ତି । ମନ୍ଦିର ଉଦ୍ଘାଟନ କାର୍ଯ୍ୟକ୍ରମରେ ମନ୍ଦିର ତୀର୍ଥକ୍ଷେତ୍ରରୁ ସମସ୍ତ ଧର୍ମାଚାର୍ଯ୍ୟ ସାମିଲ ହେବେ । ୧୬୦ ଦେଶର ପ୍ରତିନିଧିଙ୍କୁ ନିମନ୍ତ୍ରଣ ପଠାଯିବ । ଅଯୋଧ୍ୟାର ସମସ୍ତ ପ୍ରମୁଖ ମଠର ସନ୍ଥମାନଙ୍କୁ ନିମନ୍ତ୍ରଣ ପଠାଯିବ । ୨୫ ହଜାର ସନ୍ଥ ୧୦ହଜାରରୁ ଅଧିକ ଅତିଥି ଉପସ୍ଥିତ ରହିବ ।
ଡିସେମ୍ବର ସୁଦ୍ଧା ରାମ ମନ୍ଦିରରକୁ ସଂପୂର୍ଣ୍ଣ କରିବାକୁ ପାଇଁ କୁହାଯାଇଛି । ରାମଲାଲାଙ୍କ ପ୍ରତିମା କର୍ଣ୍ଣାଟକର ମସୁରିରୁ ଅଣାଯାଇଥିବା ପଥରରେ ନିର୍ମାଣ କରାଯାଇଛି । ଏହଶଛଡା ରାଜସ୍ଥାନର ମକରାନାରୁ ଆସିଥିବା ମାର୍ବଲରେ ମଧ୍ୟ ଅନ୍ୟ ଏକ ମୂର୍ତ୍ତ ତିଆରି କରାଯାଉଛି ।
ରାମ ମନ୍ଦିରର ଉଦଘାଟନୀ ଉତ୍ସବରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏବଂ ଅନ୍ୟାନ୍ୟ ବହୁ ଜଣାଶୁଣା ବ୍ୟକ୍ତି ଏବଂ ସାଧୁ ଉପସ୍ଥିତ ରହିବେ । ଏହାପୂର୍ବରୁ ନିକଟରେ ମୁଖ୍ୟମନ୍ତ୍ରୀ ଯୋଗୀ ମଧ୍ୟପ୍ରଦେଶ ଯାଇ ରାମ ମନ୍ଦିରର ନିର୍ମାଣ କାର୍ଯ୍ୟ ଯାଞ୍ଚ କରିଥିଲେ ।
