ଜୈସଲମେର:ଚନ୍ଦ୍ରଯାନ ସଫଳତା ପୂର୍ବକ ଲାଣ୍ଡ କରିଗଲା । ହେଲେ ରାହୁଲଯାନ ନା କେବେ ପ୍ରକ୍ଷେପଣ କରାଯାଇଛି ନା କେବେ ଲାଣ୍ଡ କରିଛି । ଏମିତି କହି କଂଗ୍ରେସ ଉପରେ ବର୍ଷିଛନ୍ତି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ।
ପ୍ରତିରକ୍ଷା ମନ୍ତ୍ରୀ କହିଛନ୍ତି, ତାମିଲନାଡୁ ମୁଖ୍ୟମନ୍ତ୍ରୀ ଏମକେ ଷ୍ଟାଲିନଙ୍କ ପୁଅ ଉଦୟନିଧି ସନାତନ ଧର୍ମ ପ୍ରସଙ୍ଗରେ ଯେପରି ବୟାନ ଦେଇଛନ୍ତି ସେଥିପାଇଁ ବିରୋଧୀ ଦଳ କ୍ଷମା ମାଗିବା କଥା ।
ସେ ଆହୁରି କହିଛନ୍ତି, ରାଜସ୍ଥାନରେ କଂଗ୍ରେସ ହିନ୍ଦୁ-ମୁସଲମାନ, ପଛୁଆ ବର୍ଗଙ୍କ ନାଁରେ ସମର୍ଥନ ହାସଲ କରିବାକୁ ଚାହୁଁଛି । ହେଲେ ତାଙ୍କରି ମେଣ୍ଟର ଗୋଟିଏ ଦଳ ଯାହାର ପ୍ରତିନିଧି ସନାତନ ଧର୍ମକୁ ନେଇ ଟିପ୍ପଣୀ କରିଛନ୍ତି । ହେଲେ ଏହା ଶୁଣି ମଧ୍ୟ କଂଗ୍ରେସ ଚୁପ ରହିଛି । ସନାତନ ଧର୍ମ ଉପରେ କଂଗ୍ରେସର ବିଚାର, ଚିନ୍ତାଧାର କ’ଣ ତାହା ସେ ସ୍ପଷ୍ଟ କରୁନାହିଁ । ତେଣୁ ଏବେ ଏହି ବରୋଧୀ ମେଣ୍ଟର ପରାଜୟ ସୁନିଶ୍ଚିତ ।
ମେଣ୍ଟରେ ସାମିଲ ହୋଇଥିବା ବିପକ୍ଷ ମେଣ୍ଟରେ ସାମିଲ ହୋଇଥିବା ଦଳ ଉଦ୍ଦେଶ୍ୟରେ ରାଜନାଥ କହିଛନ୍ତି ସନାତନ ଧର୍ମକୁ ଅପମାନ କରିଥିବାରୁ ସମସ୍ତେ କ୍ଷମା ମାଗିବା ଉଚିତ । ନଚେତ ଦେଶ କେବେ ବି ତାଙ୍କୁ କ୍ଷମା କରିବ ନାହିଁ ।
ରାଜନାଥ ଆହୁରି କହିଥିଲେ, ବିଜେପି ସାଧାରଣ ଜନତାଙ୍କୁ ସଶକ୍ତ କରିବା ପାଇଁ କାମ କରୁଛନ୍ତି । ଗରିବଙ୍କ କଲ୍ୟାଣ ବିଜେପି ସରକାରର ନାରା ନୁହେଁ ବରଂ ମିଶନ । ଟ୍ରାନ୍ସପରେନ୍ସି ଇଣ୍ଟରନାଶନାଲ ଅନୁସାରେ, ଭ୍ରଷ୍ଟାଚାର ମାମଲାରେ ରାଜସ୍ଥାନ ୧ ନମ୍ବରରେ ଅଛି । କଂଗ୍ରେସ ସରକାର ରାଜ୍ୟର ଏପରି ଅବସ୍ଥା ପାଇଁ ଦାୟୀ ।
