ଭୁବନେଶ୍ୱର: NRI କୋଟାରେ ଚାଲୁଥିବା ବଡ଼ ଜାଲିଆତି ଘଟଣାର ପର୍ଦ୍ଦାଫାସ କରିଛି କମିଶନରେଟ ପୋଲିସ । ନାମୀ ଦାମୀ ବିଶ୍ୱବିଦ୍ୟାଳୟରେ ନାମ ଲେଖା ଆଳରେ ଠକୁଥିବା ଏକ ଠକେଇ ଗୃପର ପର୍ଦ୍ଦାଫାସ କରିଛି ସ୍ପେଶାଲ କ୍ରାଇମ ୟୁନିଟ୍ । ଯୁବପିଢିଙ୍କୁ MBBS ନାମଲେଖା ଆଳରେ ଠକେଇ କରୁଥିବା ୨ ଠକଙ୍କୁ ଗିରଫ କରିଛି ପୋଲିସ । ଅଭିଯୁକ୍ତମାନେ ହେଲେ ଅଭିନନ୍ଦନ ବାରିକ ଓ ରାଜେଶ ରୋସନ ସାହୁ । ଗିରଫ ପରେ ସେମାନଙ୍କଠାରୁ ୨ ଦାମୀ କାର, ୨ଟି ଲାପଟପ୍, ୨ଟି ଟଙ୍କା ଗଣା ମେସିନ, ୪ ଲକ୍ଷ ୫୦ ହଜାର ନଗଦ ଟଙ୍କା ଜବତ କରାଯାଇଛି ।
ଠକାମୀର ଶିକାର ହୋଇଥିବା ଜଣେ ଛାତ୍ରୀ ନୟାପଲ୍ଲୀ ଥାନାରେ ଅଭିଯୋଗ କରିବା ପରେ ପୋଲିସ୍ ତଦନ୍ତ ଆରମ୍ଭ କରିଥିଲା । ଏହା ପରେ କମିଶନରେଟ ପୋଲିସର ସ୍ପେଶାଲ କ୍ରାଇମ ୟୁନିଟ କରିଥିଲା ଅଣ୍ଡର କଭର ଅପରେସନ । ଅନେକ ଶିକ୍ଷାନୁଷ୍ଠାନରେ ଆଡମିଶନ ପାଇଁ ଏନଆରଆଇ କୋଟା ରହିଥାଏ । ସେହି ସବୁ କୋଟା ସିଟ୍କୁ ଆଶାୟୀଙ୍କୁ ସୁବିଧା କରାଇ ଦେବାକୁ ଠକମାନେ ବିଭିନ ରେଫରେନ୍ସ ଜରିଆରେ ଏପରି କାରବାର କରିଥାନ୍ତି । ଏନ୍ଆରଆଇ ସହିତ ପରିଚିତ ନଥାଇ ବି ଫର୍ଜି କାଗଜ ପତ୍ର କରି ଆଡମିଶନ କରାଇ ଦେଇଥାନ୍ତି । ଏବେ ତଦନ୍ତ କରି ୨ ଠକଙ୍କୁ ଗିରଫ କରିଛି ପୋଲିସ ।
