ଉପକୂଳ ଓଡିଶା ପରେ ଏବେ ମାଲକାନଗିରରେ ବ୍ରାଉନସୁଗାର ବେପାର ପାଇଁ ଡ୍ରଗ୍ସ ମାଫିଆ ଯୋଜନା କରୁଥିବା ଅନୁମାନ କରାଯାଉଛି । ତେଣୁ ଅଭିଯୁକ୍ତଙ୍କୁ ରିମାଣ୍ଡରେ ଆଣି ବ୍ରାଉନସୁଗାର ରାକେଟର ମୂଳରେ ପହଞ୍ଚିବାକୁ ପୋଲିସ ଚେଷ୍ଟା କରିବ ବୋଲି ସୂଚନା ମିଳିଛି । ଗିରଫ ଅଭିଯୁକ୍ତ ମଧ୍ୟରୁ ୫ ଜଣ ବାହାର ରାଜ୍ୟର ରହିଥିବା ବେଳେ ଜଣେ କାଲିମେଳା ଏମ୍. ଭି-୬୬ ଗାଁର ବୋଲି ଜଣାପଡିଛି । ଅଭିଯୁକ୍ତ ମାନେ ହେଲେ ମହାରାଷ୍ଟ୍ର ରାଜ୍ୟର ହ୍ୟାସ ଗାଇକୱାଦ,ୟୁବରାଜ ଶେମ ମାନି,ରାହୁଲ କାଶବେ,ସତୀଶ ଦିଲ୍ଲୀପ,ସୋନ୍ତସ ସୂର୍ଯ୍ୟ ଓ କାଲିମେଳା ଏମଭି -୬୬ ଗାଁର ଶଙ୍କର ବୈଷ୍ଣବ । ଏହି ୬ ଅଭିଯୁକ୍ତଙ୍କୁ ପୋଲିସ କୋର୍ଟ ଚାଲାଣ କରିଛି ।
