ଅନୁଗୁଳ: ଅନୁଗୁଳରେ ଭାଇ ଭଉଣୀଙ୍କୁ ଗୁଳିମାଡ଼ ଘଟଣାରେ ଅଭିଯୁକ୍ତ ଗିରଫ । ଜଙ୍ଗଲରୁ ଅଭିଯୁକ୍ତ ପ୍ରଶାନ୍ତ ମିର୍ଧାକୁ କାବୁ କଲା ସ୍ବତନ୍ତ୍ର ସ୍କ୍ୱାର୍ଡ । ଦୁଇ ବର୍ଷ ତଳର ଏକ ଗଣ୍ଡଗୋଳକୁ କେନ୍ଦ୍ର କରି ପ୍ରଫୁଲ୍ଲ ମିର୍ଧାଙ୍କୁ ହତ୍ୟା କରିବାକୁ ଯୋଜନା କରିଥିଲା ଅଭିଯୁକ୍ତ । ଦୁଇ ମାସ ତଳେ ଗାଁକୁ ଫେରିଥିଲା ପ୍ରଶାନ୍ତ । ସେବେଠାରୁ ପ୍ରତିଶୋଧ ନେବାକୁ ଅପେକ୍ଷା କରିଥିଲା ।
ଗତ ୩ ତାରିଖରେ ଅନୁଗୁଳ କିଶୋରନଗର ଥାନା ଭାଙ୍ଗମୁଣ୍ଡା ଗାଁରେ ଭାଇଭଉଣୀ ଶୋଇଥିବାବେଳେ ଗୁଳି କରି ଫେରାର ହୋଇଯାଇଥିଲା ଦୁର୍ବୃତ୍ତ । ଅଭିଯୁକ୍ତକୁ ଧରିବାକୁ ତନାଘନା ଜାରି ରଖିଥିଲା ପୋଲିସ । ଜଙ୍ଗଲ ଭିତରେ ଅଭିଯୁକ୍ତ ଲୁଚି ରହିଥିବା ଖବର ପାଇ ପୋଲିସ ଚଢାଉ କରି ପ୍ରଶାନ୍ତକୁ କାବୁ କରିଥିଲା । ପ୍ରଶାନ୍ତକୁ ଅଟକ ରଖି ପଚାରଉଚରା କରାଯାଉଛି ।
