ବାରିପଦା: ମୟୁରଭଞ ଜିଲା ବାରିପଦା ସଦର ଥାନା ଅନ୍ତର୍ଗତ ଗୁମୁଡିହି ସ୍ଥିତ ବୁଢାବଳଙ୍ଗ ନଦି ବାଲି ଭିତରୁ ଏକ ଅଚିହ୍ନା ଗଳିତ ମୃତଦେହ କୁ ଗତକାଲି ପୋଲିସ ଉଦ୍ଧାର କରିଥିବା ଘଟଣାରେ ଆଜି ଦୁଇଜଣ ଙ୍କୁ ପୋଲିସ ଗିରଫ କରିଅଛି । ଗତକାଲି ସ୍ଥାନୀୟ ଅଞ୍ଚଳର ଜଣେ ବ୍ୟକ୍ତି ନଦୀକୁ ଯାଇଥିବାବେଳେ ଏକ ଖାଣ୍ଡିଆ ହାତ ନଦୀ ବାଲି ରେ ପଡିଥିବାର ଦେଖିଥିଲେ । ଏହାପରେ ପୋଲିସ କୁ ଖବର ଦେବାରୁ ଘଟଣା ସ୍ଥଳକୁ ବାରିପଦା ସଦର ଏସଡିପିଓ ସୁଜିତ କୁମାର ପ୍ରଧାନ , ସଦର ଥାନା ଅଧିକାରୀ ମଧୁସ୍ମିତା ମହାନ୍ତି , ଟାଉନ ଥାନା ଅଧିକାରୀ ସୁମିତ କୁମାର ସୋରେନ ସାଇଣ୍ଟିଫିକ ଟିମ ସହିତ ପହଞ୍ଚିଥିଲେ । ଏହାପରେ ମାଜିଷ୍ଟ୍ରେଟ ଙ୍କ ଉପସ୍ଥିତିରେ ବାଲିରେ ପୋତା ହୋଇଥିବା ମୃତଦେହ କୁ ଉଦ୍ଧାର କରି ଯାଞ୍ଚ କରିଥିଲେ । ତେବେ ଏହା ଏକ ହତ୍ୟାକାଣ୍ଡ ବୋଲି ପୋଲିସ ଜାଣିବାକୁ ପାଇଥିଲା । ପ୍ରାୟ ଏକ ସପ୍ତାହ ପୂର୍ବରୁ ହତ୍ୟା କରି ଲୁଣ ଦେଇ ବାଲିରେ ପୋତାଯାଇଥିବାର ପୋଲିସ ଅନୁମାନ କରିଥିଲା । ଏ ନେଇ ବାରିପଦା ସଦର ଥାନାରେ ଏକ ମାମଲା ରୁଜୁ କରି ପୋଲିସ ତଦନ୍ତ ଆରମ୍ଭ କରିଥିଲା । ତଦନ୍ତ ରୁ ଜଣାପଡିଥିଲା ଯେ ମୃତକ କୁ ତାର ସାଙ୍ଗମାନେ ଅପହରଣ କରି ପରିବାରବର୍ଗ ଙ୍କୁ ଫୋନ କରି ଟଙ୍କା ମାଗିଥିଲେ । ଟଙ୍କା ନପାଇବାରୁ ସାଙ୍ଗମାନେ ହତ୍ୟା କରିଛନ୍ତି । ଏହି ଘଟଣାରେ ପୋଲିସ ଦୁଇ ଜଣ ଅଭିଯୁକ୍ତ ଙ୍କୁ ଅଟକ ରଖି ଅଧେô÷କ ତଦନ୍ତ ଜାରିରଖିଅଛି । ତଦନ୍ତ ଜାରିରହିଥିବାରୁ ପୋଲିସ ପକ୍ଷରୁ ଏହି ବିଷୟରେ ସଂପୂନ୍ନ ସୂଚନା ଦିଆଯାଇନାହିଁ ।
