ବାରିପଦା: ରାଇରଙ୍ଗପୁର ଟାଉନ ଥାନା ଅନ୍ତର୍ଗତ ଵିଜୟଓ୍ବାଡା- ରାଞ୍ଚି ଜାତୀୟ ରାଜପଥ ୨୨୦ ନମ୍ବର ରାଇରଙ୍ଗପୁର ଅତିରିକ୍ତ ପରିବହନ କାର୍ଯ୍ୟାଳୟ/ ବିର୍ସା ମୁଣ୍ଡା ପାର୍କ ଛକରେ ଆଜି ସଂନ୍ଧ୍ୟା ୬ ଟା ପାଖାପାଖି ସମୟରେ ଏକ ଭୟଙ୍କର ମର୍ମନ୍ତୁଦ ଦୁର୍ଘଟଣା ଘଟି ଯାଇଛି । ରାଇରଙ୍ଗପୁରରୁ ତିରିଂ ଆଡକୁ ଯାଉଥିବା ଏକ ବାଇକ୍ ସାମ୍ନା ପଟୁ ଆସୁଥିବା ପିକଅପ୍ ଭ୍ୟାନ୍ ସହ ମୁହାଁମୁହିଁ ହେବା ଫଳରେ ଘଟଣାସ୍ଥଳରେ ବାଇକ୍ ଟି ଜଳି ଯାଇଥିବାବେଳେ ପିକଅପ୍ ଭେନଟି କ୍ଷତିଗ୍ରସ୍ତ ହୋଇଯାଇଛି । ଘଟଣାସ୍ଥଳରେ ବାଇକ୍ ଚାଳକ ଏବଂ ଆରୋହୀ ରାସ୍ତାରେ ଛିଟିକି ପଡ଼ି ରକ୍ତ ଜୁଡୁବୁଡୁ ଅବସ୍ଥାରେ ପଡ଼ିଥିଲେ । ସେମାନଙ୍କୁ ତୁରନ୍ତ ରାଇରଙ୍ଗପୁର ହସ୍ପିଟାଲ କୁ ଅଣା ଯାଇଥିଲା । ଡାକ୍ତର ମୃତ ଘୋଷଣା କରିଥିଲେ । ମୃତକ ଦୁଇଜଣ ହେଲେ ତିରିଂ ଥାନା ଅନ୍ତର୍ଗତ ଜିରେଇ ଗ୍ରାମର ଵୁଢାନ ମୁର୍ମୁ ଏବଂ ବିଶ୍ୱନାଥ ସୋରେନ । ରାଇରଙ୍ଗପୁର ଟାଉନ ଥାନାଧିକାରୀ ସୁଚନ୍ଦ୍ର ମହାଳିକ ଘଟଣାସ୍ଥଳରେ ପହଞ୍ଚି ଗାଡ଼ି ଦୁଇଟିକୁ ଜବତ କରିବା ସହ ଘଟଣାର ତଦନ୍ତ କରୁଛନ୍ତି l
