ବଣାଇ: ଦଳିଦେଲା ଦନ୍ତା । ରେଞ୍ଜରଙ୍କୁ ଛେଚିଲେ ଉତ୍ତ୍ୟକ୍ତ ଲୋକ । ବଣାଇ ସରକାରୀ ବାସଭବନକୁ ଘେରିଲେ ଲୋକେ । ସୁନ୍ଦରଗଡ ଜିଲ୍ଲା ବଣାଇ ରେଞ୍ଜର ଜକେଇକେଲା ଗାଁରେ ହାତୀ ଆକ୍ରମଣରେ ଜଣେ ମୃତ । ଶୌଚ ପାଇଁ ଯାଉଥିବା ବେଳେ ଦନ୍ତା ହାବୁଡ଼ାରେ ପଡିଯାଇଥିଲେ । ଦନ୍ତା ଘର ଦୁଆର ମୁହଁରେ ତାଙ୍କୁ ଟେକି କଚାଡ଼ି ଦେଇଥିଲା । ତୁରନ୍ତ ମେଡିକାଲରେ ଭର୍ତ୍ତି କରାଯାଇଥିବା ବେଳେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଛନ୍ତି । ମୃତକ ହେଲେ ଗାଁର ଧରଣୀଧର ପାତ୍ର । ଘଟଣାସ୍ଥଳରେ ଉତ୍ତେଜନା ଦେଖାଦେଇଛି ।
ଗତ ୧୫ ଦିନ ମଧ୍ୟରେ ବଣାଇ ଡିଭିଜନର ୩ଟି ରେଞ୍ଜରେ ଏପର୍ଯ୍ୟନ୍ତ ୪ଜଣଙ୍କର ମୃତ୍ୟୁ ହୋଇସାରିଛି । ଜଣେ ଗୁରୁତର ଏବେ ବି ଚିକିତ୍ସାଧୀନ ରହିଛନ୍ତି । ବହୁ ଘର ଦ୍ବାର ଭାଙ୍ଗି ବ୍ୟାପକ ସମ୍ପତ୍ତି ନଷ୍ଟ କରିଛି ଦନ୍ତା । ବାରମ୍ବାର ହାତୀ ଉପଦ୍ରବ କରୁଥିବା ଅଭିଯୋଗରେ ତାତିଲେ ଗ୍ରାମବାସୀ । ଜକେଇକଳା ଗ୍ରାମର ବନ ଜଗୁଆଳିଙ୍କୁ ନିର୍ଦ୍ଧୁମ ଛେଚିଲେ ଉତ୍ତ୍ୟକ୍ତ ଲୋକେ । କ୍ଷତିପୂରଣ ପ୍ରଦାନ କରିବା ସହ ହାତୀକୁ ଅନ୍ୟତ୍ର ଘଉଡାଇବାକୁ ଦାବି ହୋଇଛି । ଏନେଇ ବଣାଇ ସରକାରୀ ବାସଭବନକୁ ଘେରିଛନ୍ତି ଗ୍ରାମବାସୀ ।
