ବାରିପଦା : ଭିଏତନାମ ଠାରେ ଅନୁଷ୍ଠିତ ହେବାକୁ ଥିବା ଆନ୍ତର୍ଜାତୀୟ ଅଷ୍ଟ୍ରେଲିଆନ ଫୁଟବଲ (ଫୁଟି) ଟୁର୍ଣ୍ଣାମେଣ୍ଟ – ୨୦୨୪ ରେ ଭାରତୀୟ ଦଳରେ ସ୍ଥାନ ପାଇଛନ୍ତି ମୟୁରଭଞ୍ଜର ଶିବ ମାର୍ଣ୍ଡି I ଜାତୀୟ ଚୟନ ଶିବିରରେ ଓଡିଶାରୁ ୩ ଜଣ ଖେଳାଳି ଯୋଗ ଦେଇଥିବା ବେଳେ ଶ୍ରୀ ମାର୍ଣ୍ଡି ଭାରତୀୟ ଦଳରେ ସାମିଲ ହେବାର ସୌଭାଗ୍ୟ ଅର୍ଜନ କରିଛନ୍ତି I ଖବର ପାଇବା ପରେ ତାଙ୍କ ପାଇଁ ବିଭିନ୍ନ ମହଳରୁ ଅଭିନନ୍ଦନର ସୁଅ ଛୁଟୁଛି I
ଫୁଟି ଏସୋସିଏସନ ଅଫ ଓଡିଶାର ସଭାପତି ରାମଚନ୍ଦ୍ର ମୁର୍ମୁ ଓ଼ ଓଡିଶା ପ୍ରଶିକ୍ଷକ ଅନନ୍ତ ହେମ୍ବ୍ରମ ମଧ୍ୟ ଅଭିନନ୍ଦନ ଜଣାଇବା ସହ ତାଙ୍କର ସଫଳତା କାମନା କରିଛନ୍ତି I ପ୍ରକାଶ ଥାଉକି ଶ୍ରୀ ମାର୍ଣ୍ଡି ମୟୁରଭଞ୍ଜ ଜିଲ୍ଲାର ଖୁଣ୍ଟା ବ୍ଲକ ଅନ୍ତର୍ଗତ ଭୋଳାଗଡ଼ିଆ ଗ୍ରାମର ବାସିନ୍ଦା ଓ଼ ପରେ ପରେ ସେ କିସ ବିଶ୍ୱବିଦ୍ୟାଳୟରୁ ସ୍ନାତକ ଡିଗ୍ରୀ ହାସଲ କରିଥିଲେ I ଭାରତୀୟ ଦଳରେ ସ୍ଥାନ ପାଇ ସେ ନିଜ ଗାଁ, ଜିଲ୍ଲା ତଥା ରାଜ୍ୟ ପାଇଁ ଗୌରବ ଆଣି ଅନ୍ୟ ଖେଳାଳି ମାନଙ୍କ ପାଇଁ ଉଦାହରଣ ପାଲଟି ଯାଇଛନ୍ତି I
