ବାରିପଦା : ଓଡିଶା ରାଜ୍ୟ ବିଦ୍ୟାଳୟ କ୍ରୀଡା ସଂଗଠନ, ଭୂବନେଶ୍ୱର ଏବଂ ମୟୂରଭଞ୍ଜ ଜିଲ୍ଲା ଶିକ୍ଷା କାର୍ଯ୍ୟାଳୟ ଆନୁକୂଲ୍ୟରେ ଆୟୋଜିତ ୧୭ ବର୍ଷରୁ କମ ଉଭୟ ବାଳକ ବାଳିକା ବର୍ଗର ଓଡିଶା ରାଜ୍ୟ ବିଦ୍ୟାଳୟ ସମୂହ କ୍ରିକେଟ ପ୍ରତିଯୋଗିତାର ପଞ୍ଚମ ଦିବସରେ ୫ଟି ଖେଳ ପଡିଆରେ ମ୍ୟାଚ ଅନୁଷ୍ଠିତ ହୋଇଯାଇଛି I ମହାରାଜା ଶ୍ରୀରାମ ଚନ୍ଦ୍ର ଭଞ୍ଜଦେଓ ବିଶ୍ଵବିଦ୍ୟାଳୟର ଷ୍ଟାଡିୟମର ଖେଳ ପଡିଆରେ ଅନୁଷ୍ଠିତ ବାଳକ ବିଭାଗର ମ୍ୟାଚରେ ଗଜପତି ଟିମ ସମ୍ବଲପୁରକୁ ପରାସ୍ତ କରିଥିଲା l ଏ. ପି. ଜେ. ଆବଦୁଲ କଲାମ ପଡିଆର ଅନୁଷ୍ଠିତ ବାଳକ ବିଭାଗର ପ୍ରଥମ ମ୍ୟାଚରେ ଗଞ୍ଜାମ ଟିମ ବାଲେଶ୍ୱରକୁ, ଦ୍ଵିତୀୟ ମ୍ୟାଚରେ ଅନୁଗୁଳ ଟିମ ଗଞ୍ଜାମକୁ ପରାସ୍ତ କରିଥିଲା l ମଧୁବନ ମିନି ଷ୍ଟାଡିୟମରେ ଅନୁଷ୍ଠିତ ବାଳକ ବିଭାଗର ମ୍ୟାଚରେ ମୟୂରଭଞ୍ଜ ଟିମ ପୁରୀକୁ ପରାସ୍ତ କରିଥିଲା I ଲେଟ କ୍ୟାଟ ଖେଳପଡିଆରେ ଅନୁଷ୍ଠିତ ବାଳକ ବିଭାଗ ର ପ୍ରଥମ ମ୍ୟାଚରେ ବଲାଙ୍ଗୀର ଟିମ ଢେଙ୍କାନାଳକୁ, ଦ୍ଵିତୀୟ ମ୍ୟାଚରେ ନବରଙ୍ଗପୁର ଟିମ ବଲାଙ୍ଗୀରକୁ ପରାସ୍ତ କରିଥିଲା l ଷ୍ଟେସନବଜାର ଖେଳପଡିଆ ରେ ଅନୁଷ୍ଠିତ ବାଳିକା ବିଭାଗରେ ମ୍ୟାଚ ଭୂବନେଶ୍ୱର ଟିମ ମୟୂରଭଞ୍ଜକୁ ପରାସ୍ତ କରିଅଛି l
ଆସନ୍ତାକାଲି ଶେଷ ଦିବସ ବାଳକ ବିଭାଗ ସେମିଫାଇନାଲ ମ୍ୟାଚରେ ଗଜପତି ସହିତ ଅନୁଗୁଳ ଏବଂ ମୟୂରଭଞ୍ଜ ସହିତ ନବରଙ୍ଗପୁର ଖେଳିବ l ସେହିପରି ବାଳିକା ବିଭାଗରେ ଫାଇନାଲ ମ୍ୟାଚରେ ଭୂବନେଶ୍ୱର ସହିତ କଟକ ଖେଳିବ ବୋଲି ଗଣମାଧ୍ୟମ ସଂଯୋଜକ ସୋମନାଥ ସିଂହ ଓ଼ ଦୀପକ ରାମ ଜଣାଇଛନ୍ତି I
