ବାରିପଦା : ରକ୍ତ ଭଣ୍ଡାର କେନ୍ଦ୍ରରେ ରକ୍ତର ଅଭାବକୁ ଲକ୍ଷ୍ୟ କରି ବର୍ଷରେ ଦୁଇ ଥର ରକ୍ତଦାନ ଶିବିର ଆୟୋଜନ କରିଆସୁଥିବା କାଳୁରାମ ଦୁର୍ଗା ପ୍ରସାଦ ଆଜି ମଧ୍ୟ ଏକ ସ୍ବେଛାକୃତ ରକ୍ତଦାନ ଶିବିରର ଆୟୋଜନ କରିଛି I ମୁଖ୍ୟ ଅତିଥି ଭାବେ ଯୋଗ ଦେଇ ନଗରପାଳ କୃଷ୍ଣIନନ୍ଦ ମହାନ୍ତି ଏହି ଶିବିରର ଉଦଘାଟନ କରିଥିଲେ I ଅନ୍ୟ ମାନଙ୍କ ମଧ୍ୟରେ ପୂର୍ବତନ ଉପ ନଗରପାଳ ଜିତେନ୍ଦ୍ର ମହାନ୍ତି, ମନୀଷ ଖଣ୍ଡେଲୱାଲ, ସମାଜସେବୀ ଅମର ସେଠି, ପ୍ରୟୋଜକ ଦୁର୍ଗା ମୋଦି, କାଉନସିଲର ଅନନ୍ତ ଦାସ ଓ ପୂର୍ବତନ କାଉନସିଲର ପ୍ରଭାତ ମହାନ୍ତି ପ୍ରମୁଖ ଉପସ୍ଥିତ ରହି ରକ୍ତଦାତା ମାନଙ୍କୁ ଉତ୍ସାହିତ କରିଥିଲେ I ଏହି ଶିବିରରେ ୯ ଜଣ ମହିଳା ସମେତ ମୋଟ ୪୨ ଜଣ ରକ୍ତଦାନ କରିଥିଲେ I ରକ୍ତ ଭଣ୍ଡାର ଅଧିକାରୀ ଡଃ ସୌମ୍ୟ ରଞ୍ଜନ ନାୟକ ଓ ଡଃ ନୀଲେଶ ଦାସଙ୍କ ପ୍ରତ୍ୟକ୍ଷ ତତ୍ୱାବଧାନରେ ରୁଚିକା ଖୁରାନା, ପ୍ରଫୁଲ୍ଲ ମାଝୀ, ସବିତା ଶେଜପଡା, ଶକୁନ୍ତଳା ମହାନ୍ତ, ନୀତିଶ ସାମଲ ରକ୍ତ ସଂଗ୍ରହ କରିଥିଲେ I ଏହି ଅବସରରେ ଗୌରବ ମୋଦୀ ଓ ତାଙ୍କ ପତ୍ନୀ ଖୁଶବୁ ମୋଦି ରକ୍ତଦାନ କରିଥିଲେ I ସୌମ୍ୟ ରଞ୍ଜନ ଦାସ, ଅନିଲ ପଣ୍ଡା, ପୂର୍ଣ୍ଣଚନ୍ଦ୍ର ଦୁବେ, ଜୟନ୍ତ ସାହୁ ଓ ଚିନ୍ମୟ ପାଲ ଶିବିର ପରିଚାଳନାରେ ସହାୟତା ପ୍ରଦାନ କରିଥିଲେ I
