ବାରିପଦା: ସ୍ଥାନୀୟ ଭଂଜପୁର ଜଗଦ୍ଧାତ୍ରୀ ମେଳା ପଡିଆରେ ଅନୁଷ୍ଠିତ ୩୦ ତମ ଜଗଦ୍ଧାତ୍ରୀ ମେଳା ଉଦଯାପିତ ହୋଇଯାଇଛି I ପୂଜା କମିଟି ଅଧ୍ୟକ୍ଷ ସୁଦାମ ମାର୍ଣ୍ଡିଙ୍କ ଅଧ୍ୟକ୍ଷତାରେ ମୁଖ୍ୟ ଅତିଥି ଭାବେ ଯୋଗ ଦେଇ ଜଷ୍ଟିସ ଦେବବ୍ରତ ଦାଶ ମେଳା ସହ ତାଙ୍କର ପୁରୁଣା ଅନୁଭୂତି ପ୍ରକାଶ କରିବା ସହ ପୂଜା ଓ ମେଳାର ଉତ୍ତୋରତ୍ତର ଉନ୍ନତି କାମନା କରିଥିଲେ I ବିଶିଷ୍ଟ ଅତିଥି ଭାବେ ଯୋଗ ଦେଇ ମୟୁରଭଞ୍ଜ ଜିଲ୍ଲାପାଳ ହେମକାନ୍ତ ସଏ ମୟୁରଭଞ୍ଜର କଳା ସଂସ୍କୃତିର ବିକାଶ ସହ ଜଗଦ୍ଧାତ୍ରୀ ମେଳାର ବିକାଶ ଉପରେ ଆଲୋକପାତ କରିଥିଲେ I ସମ୍ମାନିତ ଅତିଥି ଭାବେ ଆରକ୍ଷୀ ଅଧିକ୍ଷକ, ମୟୁରଭଞ୍ଜ ବରୁଣ ଗୁଣ୍ଟୁପଲ୍ଲି ଏତେ ବଡ ମେଳାକୁ ସୁପରିଚାଳନା କରିଆସୁଥିବାରୁ ପୂଜା ଓ ମେଳା କମିଟିର ପ୍ରଶଂସା କରିଥିଲେ I କାର୍ଯ୍ୟକାରୀ ସଭାପତି ନଗରପାଳ କୃଷ୍ଣIନନ୍ଦ ମହାନ୍ତି ସ୍ୱାଗତ ଅଭିଭାଷଣ ଦେଇଥିଵା ବେଳେ ମୁଖ୍ୟ ସାଧାରଣ ସମ୍ପାଦକ ଦର୍ପ ନାରାୟଣ ପାଲ ଧନ୍ୟବାଦ ଅର୍ପଣ କରିଥିଲେ I ଏହି ଅବସରରେ ଚିତ୍ରାଙ୍କନ, ଗ୍ରୁପ ଡ୍ୟାନ୍ସ, ଗୀତ ପ୍ରତିଯୋଗିତାର କୃତୀ ପ୍ରତିଯୋଗୀଙ୍କୁ ଅତିଥିଙ୍କ ହାତରେ ପୁରସ୍କୃତ କରାଯାଇଥିଲା I ସୋମନାଥ ସିଂହ, ସାଂସ୍କୃତିକ ସମ୍ପାଦକ ପ୍ରିତମ ପଣ୍ଡା ଓ ମାନସ ମହାନ୍ତି, ମେଳା ସମ୍ପାଦକ ପ୍ରସନ୍ନଜିତ ମହାନ୍ତି ଓ ଆଲୋକ ବାରିକ କାର୍ଯ୍ୟକ୍ରମ ପରିଚାଳନାରେ ସହାୟତା ପ୍ରଦାନ କରିଥିଲେ I ତତସହିତ ମେଳାକୁ ସଫଳ କରିବାରେ ସହଯୋଗର ହାତ ବଢ଼େଇଥିବା ବାରିପଦା ମ୍ୟୁନିସିପାଲିଟି, ଅଗ୍ନିଶମ ବିଭାଗ, ବିଦ୍ୟୁତ ବିଭାଗ (ଟି ପି ଏନ ଓ ଡି ଏଲ), ପୋଲିସ ପ୍ରଶାସନ, ଲାଇଟ ଏଣ୍ଡ ସାଉଣ୍ଡ, ମିଡ଼ିଆ କ୍ରିଏସନ, ବ୍ଲୁ ସ୍କାୟ କେଵଳ ନେଟୱାର୍କଙ୍କୁ ସମ୍ମାନିତ କରାଯାଇଥିଲା I ଏହି ଅବସରରେ ପ୍ରଦର୍ଶନୀର ଶ୍ରେଷ୍ଠ ଷ୍ଟଲ ଭାବେ ସହ ନିର୍ଦ୍ଦେଶକ, ହେଣ୍ଡିକ୍ରାଫ୍ଟ ଶ୍ରେଷ୍ଠ, ଡି ଆଇ ସି, ମୟୁରଭଞ୍ଜ ଦ୍ଵିତୀୟ ଶ୍ରେଷ୍ଠ ଓ କେ ଡି ପି କୁ ତୃତୀୟ ଶ୍ରେଷ୍ଠ ଷ୍ଟଲ ଭାବେ ପୁରସ୍କୃତ କରାଯାଇଥିଲା I ଆଜି ସୋମବାର ମୁମ୍ବାଇ ନାଇଟର କାର୍ଯ୍ୟକ୍ରମ ରହିଛି ବୋଲି ପ୍ରିୟବ୍ରତ ଦାସ ଜଣାଇଛନ୍ତି I
