ବାରିପଦା: ସ୍ଥାନୀୟ ଭଂଜପୁର ଜଗଦ୍ଧାତ୍ରୀ ମେଳା ପଡିଆରେ ଅନୁଷ୍ଠିତ ଜଗଦ୍ଧାତ୍ରୀ ମେଳାର ସପ୍ତମ ସନ୍ଧ୍ୟାରେ ଟେପ ଦି ଫିଟ ଓ ଶାନ୍ତି ଡ୍ୟାନ୍ସ ଗ୍ରୁପର କାର୍ଯ୍ୟକ୍ରମ ବେଶ ଆକର୍ଷଣୀୟ ହୋଇଥିଲା I ବିଭିନ୍ନ ପ୍ରକାର ନୃତ୍ୟଗୀତରେ ଦର୍ଶକଙ୍କୁ ବିମୋହିତ କରିଥିଲେ କଳାକାର ମାନେ I ଶେଷରେ ମାରିସାର ଆଦିବାସୀ ନୃତ୍ୟଗୀତରେ ମଞ୍ଚ ସହ ପଡିଆ ଦୁଲୁକୁଥିଲା I ମାରିସା ଦଳରେ ଆସିଥିବା ଆଦିବାସୀ ଆଲବମ ଓ ସିନେମାର ତାରକା ମାନଙ୍କର କାର୍ଯ୍ୟକ୍ରମରେ ଝୁମିଲେ ଦର୍ଶକ I ସମସ୍ତ ସାଂସ୍କୃତିକ ଦଳକୁ ସାଂସ୍କୃତିକ ସମ୍ପାଦକ ପ୍ରିତମ ପଣ୍ଡା ଓ ମେଳା ସମ୍ପାଦକ ପ୍ରସନ୍ନଜିତ ମହାନ୍ତି ଅଂଶ ଗ୍ରହଣ ପ୍ରମାଣ ପତ୍ର ଦେଇ ଉତ୍ସାହିତ କରିଥିଲେ I ସୋମନାଥ ସିଂହ ଓ ଆଲୋକ ବାରିକ କାର୍ଯ୍ୟକ୍ରମର ସଂଯୋଜନା କରିଥିଲେ I ଆସନ୍ତା କାଲି ଜୀ କିରଣ ତେଜସ୍ୱିନୀ ପରିବେଷଣ କରିବେ ମ୍ୟୁଜିକାଲ ସନ୍ଧ୍ୟା ଓ ପରେ ପରେ ଅନଲି ୱାନ ଡ୍ୟାନ୍ସ ଗ୍ରୁପ ଓ ଶେଷରେ ପରମେଶ୍ୱର ଡ୍ୟାନ୍ସ ଗ୍ରୁପର ସାଂସ୍କୃତିକ କାର୍ଯ୍ୟକ୍ରମ ରହିଛି ବୋଲି ସାଂସ୍କୃତିକ ସମ୍ପାଦକ ମାନସ ମହାନ୍ତି ଜଣାଇଛନ୍ତି I
