ମୁମ୍ବାଇ : ମହାରାଷ୍ଟ୍ର ବିଧାନସଭା ନିର୍ବାଚନ ତାରିଖ ଯେତିକି ପାଖେଇ ଆସୁଛି ରାଜନୈତିକ ମେଣ୍ଚଗୁଡ଼ିକ ମଧ୍ୟରେ ବିବାଦ ବଢିବାରେ ଲାଗିଛି । ଏନସିପି ନେତା ନବାବ ମଲ୍ଲିକଙ୍କୁ ଟିକେଟ ଦେବା ନେଇ ଏବେ ମହାଯୁତି ମେଣ୍ଟରେ ବଡ଼ ବିବାଦ ଦେଖାଦେଇଛି । ଅଣ୍ଡରଓ୍ବାର୍ଲଡ ଡନ ଦାଉଦ ଇବ୍ରାହିମ ସହିତ ନବାବଙ୍କ ସଂପର୍କ ଥିବା କହି ବିଜେପି ତାଙ୍କୁ ଟିକେଟ ଦେବା ନେଇ ତୀବ୍ର ଅସନ୍ତୋଷ ପ୍ରକାଶ କରିଛି । ଏପରିକି ତାଙ୍କ ପାଇଁ ପ୍ରଚାର ନ କରିବାକୁ ବିଜେପି ଖୋଲା ଖୋଲି ଘୋଷଣା କରିଛି ।
ଏହା ପୂର୍ବରୁ ବିଜେପି ମୁମ୍ବାଇ ମହାନଗର ସଭାପତି ଆଶୀଷ ଶୋଲାର କହିଥିଲେ ଯେ ସେ ନବାବଙ୍କ ସମର୍ଥନ କରିବେ ନାହିଁ ଓ ତାଙ୍କ ଦଳର ଆଭିମୁଖ୍ୟ ଅଲଗା ରହିବ । ଦଳର କୌଣସି ନେତା ନବାବଙ୍କ ପାଇଁ ପ୍ରଚାର କରିବେ ନାହିଁ ।
