ବାରିପଦା : ସ୍ଥାନୀୟ ସହିଦ ଭବନ ପରିସରରେ ଏମ ପି ସି ଆଲୁମିନି ଏସୋସିଏସନ ଦ୍ୱାରା ପ୍ରଯୋଜିତ ଓ ବାରିପଦା କଳାକାର ପରିବାରର ସହଯୋଗରେ ୩ ଦିନିଆ ନାଟକ ମହୋତ୍ସବର ଶେଷ ସନ୍ଧ୍ୟାରେ ରାଉରକେଲାର ସ୍ବସ୍ତି ଝଙ୍କାର ପ୍ରସ୍ତୁତ ନାଟକ “ବିଶ୍ୱାସର ଆତ୍ମଲିପି” ମଞ୍ଚସ୍ଥ ହୋଇଯାଇଛି I ମୁଖ୍ୟ ଅତିଥି ଭାବେ ନଗରପାଳ କୃଷ୍ଣIନନ୍ଦ ମହାନ୍ତି, ସମ୍ମାନିତ ଅତିଥି ଭାବେ ଏମ ପି ସି ସ୍ୱୟଂଚାଳିତ ମହାବିଦ୍ୟାଳୟର ଅଧ୍ୟକ୍ଷ ଡଃ ପ୍ରମୋଦ ଚନ୍ଦ୍ର ସାହୁ ଓ ପଦ୍ମଶ୍ରୀ ଡଃ ଦମୟନ୍ତୀ ବେଶ୍ରା ପ୍ରମୁଖ ଉପସ୍ଥିତ ରହି ନାଟକ ମହୋତ୍ସବର କଳାକାର, ଦର୍ଶକ ତଥା ଆୟୋଜକଙ୍କ ପ୍ରଶଂସା କରିଥିଲେ I ସୋମନାଥ ସିଂହ ଓ ଜ୍ଞାନ ରଞ୍ଜନ ପଣ୍ଡା ମଞ୍ଚ ପରିଚାଳନା କରିଥିଲେ I ନାଟକଟି ଏତେ ହୃଦୟସ୍ପର୍ଶୀ ହୋଇଥିଲାଯେ ଏହା ଦର୍ଶକଙ୍କୁ ମନ୍ତ୍ରମୁଗ୍ଧ କରିଦେଇଥିଲା I ନାଟକର ଅଭିନେତା ମାନେ ହେଲେ ରାଜୀବ ପାଣି, ରାଜକୁମାର ମହାନ୍ତି, ଭଜେନ୍ଦ୍ର ସାହୁ, ଗଙ୍ଗାଧର ଜେନା, ବିଶ୍ୱଜିତ ନାୟକ, ବବି ମହାଳିକ, ସ୍ଵାଗତିକା ପାଣିଗ୍ରାହୀ ଓ ଅପର୍ଣ୍ଣା ପଣ୍ଡା I ନାଟ୍ୟକାର ଡଃ ସୁଧାଂଶୁ ନାୟକଙ୍କ ରଚିତ ନାଟକକୁ ରାଜୀବ ପାଣି ନିର୍ଦ୍ଦେଶନା ଦେଇଥିବା ବେଳେ ପ୍ରଚ୍ଛଦପଟ ସଂଗୀତରେ ଡଃ ସୁଶାନ୍ତ ପାଣି, ଆଲୋକ ସଂଯୋଜନାରେ ଚିନ୍ମୟ ଦାଶ ପଟ୍ଟନାୟକ, ମଞ୍ଚ ପରିଚାଳନାରେ ରଶ୍ମିତା ପଣ୍ଡା ସହଯୋଗ କରିଥିଲେ I ଏହି ଅବସରରେ ଓମ ନାଟ୍ୟ ସଂସ୍ଥାର ” ମଧ୍ୟାନ୍ନର ରଙ୍ଗ ” ନାଟକର ସମସ୍ତ କଳାକାରଙ୍କ ସମେତ ନାଟ୍ୟକାର ଓ ନିର୍ଦ୍ଦେଶକଙ୍କୁ ମାନପତ୍ର ଓ ଉପଢୌକନ ଦେଇ ସମ୍ମାନିତ କରାଯାଇଥିଲା I
