ବାରିପଦା: ସ୍ଥାନୀୟ ସହିଦ ସ୍ମୃତି ଭବନ ପରିସରରେ ରୂପାନ୍ତର ଅନୁଷ୍ଠାନର ରୌପ୍ୟ ଜୟନ୍ତୀ ପାଳନ ଅବସରରେ ୩ ଦିନିଆ ରାଜ୍ୟ ସ୍ତରୀୟ ନାଟକ ମହୋତ୍ସବର ୩ୟ ସନ୍ଧ୍ୟାରେ ଭୁବନେଶ୍ୱରର ଲାବଣ୍ୟ ଥିଏଟର ତରଫରୁ ନାଟକ “ଅଭିନେତ୍ରୀ” ପରିବେଷିତ ହୋଇଯାଇଛି I ଅଭିନେତା ମାନଙ୍କ ନିଖୁଣ ଅଭିନୟ ଦର୍ଶକଙ୍କୁ ବିମୋହିତ କରିଥିଲା I ଲିଙ୍ଗରାଜ ନାହାକଙ୍କ ଲିଖିତ ଓ ସତ୍ୟ ଜେନାଙ୍କ ନିର୍ଦ୍ଦେଶିତ ନାଟକରେ ଗୋବିନ୍ଦ, ଦେବୀ ଟୁଟୁ, ସୁନୀଲ, ସୌମ୍ୟ, ଅମିତ, ବର୍ଷା ଓ ରମଣୀ ଅଭିନୟ କରିଥିବା ବେଳେ ଆଲୋକ ସଂଯୋଜନାରେ ଚିରଞ୍ଜୀବ ମହାରଣା, ସଂଗୀତରେ ରାଜକୁମାର ଓ ରୂପସଜ୍ଜାରେ ବିଜୟ ସହାୟତା କରିଥିଲେ I ମୁଖ୍ୟ ଅତିଥି ଭାବେ ଜିଲ୍ଲା ଶିକ୍ଷା ଅଧିକାରୀ ପୂର୍ଣ୍ଣଚନ୍ଦ୍ର ସେଠୀ ଓ ସମ୍ମାନିତ ଅତିଥି ଭାବେ ଗୌରବ ମୋଦୀ ଯୋଗ ଦେଇ ୩ୟ ତଥା ଶେଷ ସନ୍ଧ୍ୟାର ନାଟକକୁ ଉଦଘାଟନ କରିଥିଲେ I ଅନ୍ୟ ମାନଙ୍କ ମଧ୍ୟରେ ଅନୁଷ୍ଠାନର ଅଧ୍ୟକ୍ଷ ବିରେନ୍ଦ୍ରନାଥ ସାହୁ ଓ ପ୍ରତିଷ୍ଠାତା ପରେଶ ସାହୁ ଉପସ୍ଥିତ ଥିଲେ I ଏହି ଅବସରରେ ବର୍ଷୀୟାନ କଳାକାର ପ୍ରସନ୍ନ କୁମାର ମହାନ୍ତି ଓ ଅଭିନେତା ସୋମନାଥ ସିଂହଙ୍କୁ ଅତିଥିଙ୍କ ହାତରେ ରୂପାନ୍ତର ସମ୍ମାନରେ ସମ୍ମାନିତ କରାଯାଇଥିଲା
