ବାରିପଦା: ସ୍ଥାନୀୟ ସହିଦ ସ୍ମୃତି ଭବନ ପରିସରରେ ରୂପାନ୍ତର ଅନୁଷ୍ଠାନର ରୌପ୍ୟ ଜୟନ୍ତୀ ପାଳନ ଅବସରରେ ୩ ଦିନିଆ ରାଜ୍ୟ ସ୍ତରୀୟ ନାଟକ ମହୋତ୍ସବର ୨ୟ ସନ୍ଧ୍ୟାରେ ବାଲେଶ୍ୱରର ସ୍ରଷ୍ଟା ଅନୁଷ୍ଠାନ ତରଫରୁ ନାଟକ ‘ପରିଚୟ’ ପରିବେଷିତ ହୋଇଯାଇଛି I ଅଭିନେତା ମାନଙ୍କ ନିଖୁଣ ଅଭିନୟ ଦର୍ଶକଙ୍କୁ ବିମୋହିତ କରିଥିଲା I ହେମେନ୍ଦ୍ର କୁମାର ମହାପାତ୍ରଙ୍କ ଲିଖିତ ଓ ସଂଗ୍ରାମ କେଶରୀ ମହାନ୍ତିଙ୍କ ନିର୍ଦ୍ଦେଶିତ ନାଟକରେ ସଂଗ୍ରାମ କେଶରୀ ମହାନ୍ତି, ଗୌରୀ ଶଙ୍କର ସାହାଣୀ, ରତିକାନ୍ତ ମଲ୍ଲିକ, ଗିରିଜା ଶଙ୍କର କର, ଦିବାକର ମହାନ୍ତି, ସାମରଇ କର, ଅମିତାଭ ଭଟ୍ଟାଚାର୍ଯ୍ୟ, ଭୀମସେନ ବାରିକ, ଗୌରାଙ୍ଗ ମହାନ୍ତି, ମଧୁସ୍ମିତା ବାରିକ, ଶ୍ରେୟIସୀ ମଲ୍ଲିକ ଓ ପ୍ରଦୀପ ଶତପଥୀ ଅଭିନୟ କରିଥିବା ବେଳେ ସଂଗୀତ ଗୁରୁ ନନ୍ଦ କିଶୋର ଦାସ ସଂଗୀତ ନିର୍ଦ୍ଦେଶନା ଦେଇଥିଲେ I ଅତିଥି ଭାବେ ଯୋଗ ଦେଇ ନାଟ୍ୟ ନିର୍ଦ୍ଦେଶକ ହେମେନ୍ଦ୍ର କୁମାର ମହାପାତ୍ର ୨ୟ ସନ୍ଧ୍ୟାର ନାଟକକୁ ଉଦଘାଟନ କରିଥିଲେ I ଅନ୍ୟ ମାନଙ୍କ ମଧ୍ୟରେ ଅନୁଷ୍ଠାନର ଅଧ୍ୟକ୍ଷ ବିରେନ୍ଦ୍ରନାଥ ସାହୁ ଓ ପ୍ରତିଷ୍ଠାତା ପରେଶ ସାହୁ ଉପସ୍ଥିତ ଥିଲେ I
