ବାରିପଦା: ସ୍ଥାନୀୟ ପୂର୍ଣ୍ଣଚନ୍ଦ୍ର ପୁର ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ପଡିଆରେ ବାରିପଦା ବ୍ଲକର ବିଦ୍ୟାଳୟ ସ୍ତରୀୟ ବାର୍ଷିକ ଖେଳକୁଦ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି I ଅତିଥି ଭାବେ ଯୋଗ ଦେଇ ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ତପସ୍ୱିନୀ ଦାଶ ଓ ବ୍ରଜ ମୋହନ ମୁର୍ମୁ ଏହି ପ୍ରତିଯୋଗିତାକୁ ଉଦଘାଟନ କରିବା ସହ ପ୍ରତିଯୋଗୀ ମାନଙ୍କୁ ଉନ୍ନତ ମାନର ଖେଳ ପ୍ରଦର୍ଶନ କରିବା ପାଇଁ ଉତ୍ସାହିତ କରିଥିଲେ I ଅନ୍ୟ ମାନଙ୍କ ମଧ୍ୟରେ ବିଦ୍ୟାଳୟର ପ୍ରଧାନ ଶିକ୍ଷକ ସୋମନାଥ ସିଂହ, ନୋଡାଲ କ୍ରୀଡା ପ୍ରଶିକ୍ଷକ କଳ୍ପନା ମହାପାତ୍ରଙ୍କ ସମେତ ନଳିନୀ ସେନାପତି, କ୍ଷୀରୋଦ ବେହେରା, ସୋନାଲି ପରିଡା, ଅଭିଷେକ ବେହେରା, ନାଦିଆ ଦାସ ଓ ବାସନ୍ତୀ ମହାନ୍ତ ପ୍ରମୁଖ ଉପସ୍ଥିତ ଥିଲେ I ୧୭ ବର୍ଷରୁ କମ ବିଭିନ୍ନ ବିଭାଗରେ ପାୟଲ ହାଁସଦା, କିସୁନ ବାସ୍କେ, ସଲମା ହାଁସଦା, ରଘୁନାଥ ମୁର୍ମୁ, ଜସ୍ମିତା ସିଂ, ଧନୁର୍ଜୟ ମାର୍ଣ୍ଡି, ତରୁଣକାନ୍ତି ମାର୍ଣ୍ଡି, ଗୀତାଞ୍ଜଳି ମୁର୍ମୁ, ଚନ୍ଦନ ମହାପାତ୍ର ପ୍ରଥମ ସ୍ଥାନ ଅଧିକାର କରିଥିବା ବେଳେ ୧୪ ବର୍ଷରୁ କମ ବିଭିନ୍ନ ବିଭାଗରେ ପାପାଲି ସିଂ, ଖେଲେ ସୋରେନ, ରିଷିକ ସୋରେନ, ପାପାଲି ସିଂ, କିସୁନ କିସ୍କୁ ଓ ସରସ୍ବତୀ ମୁର୍ମୁ ପ୍ରଥମ ସ୍ଥାନ ସ୍ଥାନ ଅଧିକାର କରିଥିଲେ l ଆସନ୍ତା କାଲି ବିଦ୍ୟାଳୟ ସ୍ତରୀୟ କ୍ରିକେଟ ଖେଳାଳି ଚୟନ ପ୍ରକ୍ରିୟା ଅନୁଷ୍ଠିତ ହେବ l
