ବାରିପଦା : ଜାତୀୟ କ୍ରୀଡା ଦିବସ ଧ୍ୟାନ ଚାନ୍ଦ ଜନ୍ମଦିନ ପାଳନ ଅବସରରେ ଏକ ଭଲିବଲ ଟୁର୍ଣ୍ଣାମେଣ୍ଟ ମୟୂରଭଞ୍ଜ ଜିଲ୍ଲା ପ୍ରଶାସନ ଓ ମା\’ କିଚକେଶ୍ୱରୀ ଭଲିବଲ ଏକାଡେମୀ ମିଳିତ ଆନୁକୂଲ୍ୟରେ ଅନୁଷ୍ଠିତ ହୋଇଯାଇଅଛି । ଏହି ଟୁର୍ଣ୍ଣାମେଣ୍ଟରେ ମୋଟ ୪ ଗୋଟି ଦଳ ( ମା କୀଚକେଶ୍ୱରୀ, ମୟୂରଭଞ୍ଜ ପୋଲିସ, ୫ମ ବାଟାଲିୟନ ଓ ବଡ ବ୍ରାହ୍ମଣମାରା ) ଅଂଶ ଗ୍ରହଣ କରିଥିଲେ । ଏଥିରେ ମା\’ କିଚକେଶ୍ୱରୀ ଭଲିବଳ ଦଳ ଓ ୫ମ ବାଟାଲିୟନ ମଧ୍ୟରେ ଫାଇନାଲ ମ୍ୟାଚ ଅନୁଷ୍ଠିତ ହୋଇଥିଲା ଏବଂ ୫ମ ବାଟାଲିୟନ, ରଙ୍ଗାମାଟିଆ ଭଲିବଳ ଦଳ ୨-୦ ସେଟରେ ମା\’ କୀଚକେଶ୍ୱରୀ ଦଳକୁ ହରାଇ ଚମ୍ପିଆନ ହୋଇଥିଲା । ଏଥିରେ ମୁଖ୍ୟ ଅତିଥିଭାବେ ଡି.ଏସ.ପି. ହେଡକ୍ୱାଟାର ଶ୍ରୀଯୁକ୍ତ ଦୀପକ କୁମାର ଗୋଚ୍ଛାୟତ ଏବଂ ଡି.ଏସ.ପି. ଅଜୟ କମାର ବାରିକ, ଜିଲ୍ଲା କ୍ରୀଡା ଅଧିକାରୀ ଶ୍ରୀଯୁକ୍ତ ଅବନୀ ମୋହନ ମହାନ୍ତି, ମୟୂରଭଞ୍ଜ ଏଥଲେଟିକ ଏସୋସିଏନର ସମ୍ପାଦକ ଶ୍ରୀଯୁକ୍ତ ବିଜୟ କୁମାର ଦାସ ଓ ଭଲିବଲ ସେକ୍ରେଟେରୀ ପାର୍ଥ ସାରଥି ସ୍ୱାଇଁ ବିଜୟୀ ଦଳକୁ ଟ୍ରଫି ପ୍ରଦାନ କରିଥିଲେ । ଏଥିରେ ସମ୍ମାନୀତ ଅତିଥିଭାବେ ଭାନୁପ୍ରତାପ ଭଞ୍ଜଦେଓ, ନାରୟଣ ପ୍ରଦାର, ପି.ଇ.ଟି., ପ୍ରଭାସ ସାହୁ, ବରିଷ୍ଠ କ୍ରୀଡାବିତ କୁମାର ରଂଜନ ପଣ୍ଡା, ବିଜୟ କୁମାର ଦାସ ( ମଣ୍ଟୁ ଦା ) ମୁକ୍ତେଶ୍ୱର ଜୀଉ, ବିଜୟ କୁମାର ଜେନା, ବୈଦ୍ୟନାଥ ରଥ ପ୍ରମୁଖ ଉପସ୍ଥିତ ରହି ଖେଳାଳିମାନଙ୍କୁ ଉତ୍ସାହିତ କରିଥିଲେ ।
ଏହି ଟୁର୍ଣ୍ଣାମେଣ୍ଟକୁ ରେଫରୀଭାବେ ହରିହର ମଲ୍ଲିକ, ଦୀପକ କୁମାର ମୁଣ୍ଡା, ସ୍ନେହାଶିଷ ମହାନ୍ତ, ରଘୁନାଥ ନାଏକ, ସାମଲ ବାବୁ, ରାଜେନ୍ଦ୍ର ନାଥ ନାଏକ, ନିରଞ୍ଜନ ନାଏକ, ଚନ୍ଦ୍ରୟ ମୋହନ ଦଳେଇ ପରିଚାଳନା କରିଥିଲେ । ଶ୍ରେଷ୍ଠ ଖେଳାଳୀ ଭାବେ ଚନ୍ଦ୍ରବିନ୍ଦୁ ସେଠୀ, ଇନ୍ଦ୍ରଜିତ ଶତପଥୀ, ସଞ୍ଜୟ ମହାନ୍ତ, ଅନୀଲ ଗିରି, ଖକନ, ଓମପ୍ରକାଶ ଓ ଜୀବନଙ୍କୁ ଚୟନ କରାଯାଇଥିଲା । ୧୫ ବର୍ଷରୁ କମ ବାଳକ ଭଳିବଳ ଟୁର୍ଣ୍ଣାମେଣ୍ଟରେ ବଇଂଚା ଭଳିବଳ ଦଳ ଚମ୍ପିୟାନ ହୋଇଥିବା ବେଳେ ବଡବ୍ରାହ୍ମଣମାରା ରନର୍ସ ଅଫ୍ ହୋଇଥିଲେ । ମୟୂରଭଞ୍ଜ ଏଥଲେଟିକ ଏସୋସିଏନର ସମ୍ପାଦକ ଶ୍ରୀଯୁକ୍ତ ବିଜୟ କୁମାର ଦାସଙ୍କୁ ମୟୂରଭଞ୍ଜ ଜିଲ୍ଲାର କ୍ରୀଡାକ୍ଷେତ୍ରରେ ଉଲ୍ଲେଖନୀୟ କାର୍ଯ୍ୟ କରିଥିବାରୁ ଓ ଶ୍ରୀ ମନୋରଂଜନ ଜୀଉ, ଭଲିବଲ କୋଚଙ୍କୁ ଏହି କ୍ରୀଡା ଦିବସରେ ସମ୍ବର୍ଦ୍ଧିତ କରାଯାଇଥିଲା । ସର୍ବଶେଷରେ ମୁଖ୍ୟଅତିଥି ଓ କ୍ରୀଡା ଅଧିକାରୀ ତାଙ୍କର ନିଜର ସାର ଗର୍ଭକ ବକ୍ତବ୍ୟ ଦେଇ ଭଲିଭଲ ଖେଳାଳୀମାନଙ୍କର ଉନ୍ନତି ପାଇଁ ଉଚ୍ଚକୋଟୀର ଖେଳ ପ୍ରଦର୍ଶନ କରି ଜିଲ୍ଲା ଓ ରାଜ୍ୟ ପାଇଁ ଗୌରବ ଆଣିବେ ବୋଲି ଉତ୍ସାହିତ କରିବା ସଙ୍ଗେ ସଙ୍ଗେ ପ୍ରେରଣା ଦେଇଥିଲେ ।
