ଅହମଦାବାଦ: ଲୋକସଭା ନିର୍ବାଚନରେ ଭଲ ଫଳାଫଳ ପାଇବା ପରେ କଂଗ୍ରେସ ନେତା ରାହୁଲ ଗାନ୍ଧୀଙ୍କ ମନୋବଳ ବୃଦ୍ଧି ପାଇଛି ବୋଲି ରାଜନୈତିକ ମହଲରେ ଚର୍ଚ୍ଚା ହେଉଛି । ଏବେ ତାଙ୍କ ଆଖି ଗୁଜରାଟ ବିଜୟ ଉପରେ ଅଛି । ଶନିବାର ଦିନ ରାହୁଲ ଗାନ୍ଧୀ ଗୁଜରାଟ ଗସ୍ତରେ ଆସି ସଂସଦରେ ଦେଇଥିବା ଆହ୍ବାନକୁ ଦୋହରାଇଛନ୍ତି।
ଗୁଜରାଟରେ ବିଜେପିକୁ ପରାସ୍ତ କରିବେ ବୋଲି ରାହୁଲ ଗାନ୍ଧୀ କହିଛନ୍ତି। ଅହମଦାବାଦରେ କର୍ମୀମାନଙ୍କୁ ସମ୍ବୋଧିତ କରି ସେ କହିଛନ୍ତି ବିଜେପି କର୍ମୀମାନେ କଂଗ୍ରେସ କାର୍ଯ୍ୟାଳୟ ଭାଙ୍ଗିବାକୁ ଚେଷ୍ଟା କରିଛନ୍ତି। କିନ୍ତୁ ଆଗାମୀ ଦିନରେ ସେ ଆମେ ଗୁଜରାଟରେ ବିଜେପି ସରକାରକୁ ଭାଙ୍ଗିବୁ। ରାହୁଲ ଗାନ୍ଧୀ କେଉଁ ଆଧାରରେ ଏହି ଆତ୍ମବିଶ୍ୱାସ ଦେଖାଉଛନ୍ତି ଏବେ ଏହି ପ୍ରଶ୍ନ ରାଜନୈତିକ ମହଲରେ ସମସ୍ତଙ୍କ ମନରେ ଉଙ୍କିମାରୁଛି।
ରାହୁଲ ଗାନ୍ଧୀ ଅନୁଭବ କରୁଛନ୍ତି ଯେ ଯଦି ଅଯୋଧ୍ୟାରେ ବିଜେପି ପରାସ୍ତ ହୋଇପାରିଛି ତେବେ ଗୁଜରାଟରେ ମଧ୍ୟ ଏହା ସମ୍ଭବ। ଲୋକସଭା ନିର୍ବାଚନର ଫଳାଫଳକୁ ନେଇ ରାହୁଲ ଗାନ୍ଧୀ ମଧ୍ୟ ବହୁତ ଉତ୍ସାହିତ ଏବଂ ତାଙ୍କର ଏକ ବଡ଼ ଆଶା ଅଛି। ଲୋକସଭା ନିର୍ବାଚନରେ ଗୁଜରାଟରେ ବହୁତ କମ୍ ଶକ୍ତି ଏବଂ ସୀମିତ ସମ୍ବଳ ଥାଇ ମଧ୍ୟ ବିଜେପିକୁ କଂଗ୍ରେସ କ୍ଲିନ୍ ସ୍ବିପ୍ କରିବାକୁ ଦେଇ ନ ଥିଲା। କଂଗ୍ରେସ ଗୋଟିଏ ଆସନ ମଧ୍ୟ ଜିତିଥିଲା।
ଅନେକ ଆସନରେ ବିଜେପିର ବିଜୟର ମାର୍ଜିନ ଯଥେଷ୍ଟ ହ୍ରାସ ପାଇଥିଲା । ସବୁଠାରୁ ଗୁରୁତ୍ୱପୂର୍ଣ୍ଣ ଲୋକସଭା ନିର୍ବାଚନରେ ୫୫ ଟି ଆସନ ଏପରି ଥିଲା ଯେଉଁଠାରେ କଂଗ୍ରେସ ବିଜେପି ଅପେକ୍ଷା ଅଧିକ ଭୋଟ୍ ପାଇଥିଲା। ଏହା ଦର୍ଶାଉଛି ଯେ ଲୋକଙ୍କ ମଧ୍ୟରେ କଂଗ୍ରେସ ପ୍ରତି ଆକର୍ଷଣ ବୃଦ୍ଧି ପାଇଛି। ବିଜେପିରେ କଂଗ୍ରେସ ନେତାଙ୍କ ସଂଖ୍ୟା ବୃଦ୍ଧି ଯୋଗୁ ପାରସ୍ପରିକ ବିଭାଜନ ଯଥେଷ୍ଟ ବୃଦ୍ଧି ପାଇଥିବା ରାଜନୈତିକ ସମୀକ୍ଷକ ମତପୋଷଣ କରିଛନ୍ତି।
ଲୋକସଭା ନିର୍ବାଚନରେ ବିଜେପିର ଆଭ୍ୟନ୍ତରୀଣ ବିବାଦ ଏବଂ ଛକାପଞ୍ଝା ସାମ୍ନାକୁ ଆସିଥିଲା, ଯାହା କଂଗ୍ରେସ ପାଇଁ ଆଗାମୀ ଦିନରେ ଏକ ଶକ୍ତି ହୋଇପାରେ ବୋଲି ରାଜନୈତିକ ମହଲରେ ଚର୍ଚ୍ଚା ହେଉଛି। କଂଗ୍ରେସର ଅଧିକାଂଶ ଡବଲ ମାଇଣ୍ଡେଡ୍ ନେତା ଦଳ ଛାଡିଛନ୍ତି, ଯେଉଁମାନେ ରହି ଦଳକୁ କ୍ଷତି ପହଞ୍ଚାଉଥିଲେ। ଯଦି ଗୁଜରାଟରେ କଂଗ୍ରେସ ବିଜୟୀ ହୁଏ, ତେବେ ଏହାର ଲାଭ ସମଗ୍ର ଦେଶରେ ଅନୁଭୂତ ହେବ।
ରାହୁଲଙ୍କ ଗୁଜରାଟ ଗସ୍ତ ବିଷୟରେ ଶୀଘ୍ର ନିଷ୍ପତ୍ତି ନିଆଯିବା ପରେ ଲାଗୁଛି ଯେ ବର୍ତ୍ତମାନ ଗୁଜରାଟ ତାଙ୍କର ପ୍ରାଥମିକତା ଅଟେ। ଗୁଜରାଟରେ ନାଗରିକ ନିର୍ବାଚନ ଏବଂ ବିଧାନସଭା ନିର୍ବାଚନ ପାଇଁ ଆଉ ଦୁଇ ବର୍ଷ ବାକି ଅଛି, ତେଣୁ ପ୍ରସ୍ତୁତି ପାଇଁ ପର୍ଯ୍ୟାପ୍ତ ସମୟ ଅଛି। ରାହୁଲ ତୁରନ୍ତ ତାଙ୍କ ସପକ୍ଷରେ ଥିବା କର୍ମୀଙ୍କ ସମର୍ଥନରେ ରାଜ୍ୟ ଗସ୍ତରେ ଯାଇଛନ୍ତି। କର୍ମୀମାନଙ୍କ ମଧ୍ୟରେ ଉତ୍ସାହ ବଢ଼ିଥିବା ରାଜନୈତିକ ମହଲରେ ଚର୍ଚ୍ଚା ହେଉଛି।
